ڤیدیۆگەیمیAstroBot کە تایبەتە بە پلەیستەیشن 5 و لەلایەن تیم ئاسۆبی پەرەی پێدراوە، خەڵاتی باشترین یاری ساڵی بەدەستهێنا لە خەڵاتەکانیThe Game Awards 2024 کە شەوی هەینی لە لۆس ئەنجلس بەڕێوەچوو.

یاری ئەسترۆ بۆت نەک تەنها خەڵاتی سەرەکی شەوەکەی بەدەستهێنا، بەڵکو لە سێ بەشی دیکەشدا سەرکەوتنی بەدەستهێنا، ئەوانیش: باشترین یاری خێزانیی، باشترین دروستکردن و سیناریۆی یاری، و باشترین یاری ئەکشن و سەرکێشی.

یاری AstroBot یارییەکی پلاتفۆرمە کە لەلایەن ستۆدیۆی ژاپۆنەوە پەرەی پێدراوە و لەلایەن کۆمپانیای 'سۆنی ئینتەرئەکتیڤ ئینتەرتەینمەنت'ـەوە بڵاوکراوەتەوە، یارییەکە لە ساڵی ٢٠١٨ بۆ پلەیستەیشن ٤ و پلەیستەیشن ڤی ئاڕ بڵاوکرایەوە، یارییەکە باس لە سەرکێشییەکانی ئەسترۆ دەکات، کە رۆبۆتێکە بۆ رزگارکردنی هاوڕێکانی لە هەسارەیەکی نامۆدا دروستکراوە.