نامەیەکی دەستنووسی ئاوازدانەری نەمسایی مۆزارت کە مێژووەکەی دەگەڕێتەوە
بۆ ساڵی ١٧٨٣ لە زیادکردنێکی ئۆنلایندا بە بڕی ٤٦٤ هەزار و ٢٠٠ دۆلار فرۆشرا.
کۆمپانیای ئۆتۆگراف ئۆکشنز یورۆڤ کە بنکەکەی لە شاری مەلەگای ئیسپانیایە
رایگەیاند، نامەکە بە نرخێکی زۆر زیاتر لە خەمڵاندنی سەرەتایی خۆی کە 120 هەزار دۆلار
بووە، فرۆشراوە.
کۆمپانیاکە
ئەوەشی روونکردەوە، نامەکەی ئەو ئاوازدانەرە نەمساییە بۆ میوزیسیانی فەڕەنسی ژان جۆرج
سیبەر بووە و نامەکە بە زمانی ئەڵمانی نووسراوە،
ئاماژە
بەوەشکراوە، نامەکە پێشتر ون ببوو، دواتر لە ئەرشیفێکی خێزانەکەی مۆزارتدا دۆزرایەوە.