کۆمپانیای سۆنی رایگەیاند، کۆنسۆلی دووەمی خۆی کە پلەیستەیشن دووە لە ساڵی ٢٠٠٠ەوە تاکو ئێستا زیاتر لە ١٦٠ ملیۆن دانەی لە سەرانسەری جیهان لێ فرۆشراوە.

هەرچەندە زیاتر لە ١٠ ساڵە پلەیستەیشن دوو لە بازاڕەکاندا نەماوە و لە چەند شوێنێکی کەم نەبێت لێی دەفرۆشرێت، بەڵام تاکو ئێستاش وەک باشترین ئامێری یارییە ڤیدیۆییەکان ماوەتەوە، لە پلەی دووەمیشدا ئامێری نینتێندۆ دێت، بە ١٤٦ ملیۆن دانەی فرۆشراو.

لە سەرەتادا لە ساڵی ٢٠٠٠، ئامێری PS2 لە بازاڕەکاندا نمایشکرا و هەر لە سەرەتاوە سەرکەوتنێکی گەورەی بەدەستهێنا، ئەمەش بەهۆی کوالێتی یارییەکانی کە بازدانێکی گەورەیان لە نێوان PS2و PS1 نیشاندا.

PS2 لە ساڵی ٢٠٠٠ـەوە، زیاتر لە ١٦٠ ملیۆن کۆنسۆلی لە سەرانسەری جیهاندا فرۆشتووە، کە کۆی گشتی نرخەکەی دەکات ٨١٧ ملیۆن دۆلار.