نرخی زێڕ لە بازاڕەکانی جیهان و هەرێم لەگەڵ کرانەوەی بۆرسەی جیهانی بەرزبوونەوەی بەخۆیەوە بینی و لە ئێستادا ئۆنسەیەک زێڕ بە دوو هەزار و ٦٦٩ دۆلار مامەڵەی پێوە دەکرێت. لە هەرێمیش نرخی هەر مسقاڵێک شەش بۆ حەوت هەزار دینار بەرزبووەتەوە.

ئەمڕۆ دووشەممە، بەگوێرەی پێنوێنی جیهانی، گرامێک زێڕ بە ٨٥ دۆلار و ٨٢ سەنت، کیلۆگرامێکیش بە ٨٥ هەزار و ٨٢٤ دۆلار مامەڵەی پێوە دەکرێت.

هاوکات، لە بازاڕەکانی هەرێم بەراورد بە چەند رۆژی رابردوو، بە تێکڕا شەش تا حەوت هەزار دینار لە نرخی هەر مسقاڵێک بەرزبووەتەوە.

نرخی زێڕ لە بازاڕەکانی هەرێمی کوردستان:

نرخی یەک مسقاڵ زێڕی عەیارە ١٨ بە ٤٩٤ ھەزار دینارە.‎

نرخی یەک مسقاڵ زێڕی عەیارە ٢١ بە ٥٧٦ھەزار دینارە.

نرخی یەک مسقاڵ زێڕی عەیارە ٢٢ بە ٦٠٣ هەزار دینارە.

نرخی یەک مسقاڵ زێڕی عەیارە ٢٤ بە ٦٥٨ هەزار دینارە.