کۆمپانیای ئەپڵ لە ڕێگەی پرۆگرامی باگ باونتیەوە بڕی یەک ملیۆن دۆلار پێشکەش بە هەر کەسێک دەکات کە توانای هاککردنی هەبێت بۆ ناو Private Cloud Compute (PCC) کە سیستەمێکی سێرڤەرە و ئەرکە پێشکەوتووەکانی AI بەڕێوەدەبات لە دەرەوەی توانای پرۆسێسەرەکانی سەر ئامێرەکان.

ئەم دەستپێشخەرییە ڕەنگدانەوەی پابەندبوونی ئەپڵە بە ئاسایش، پاڵنەرێکە بۆ توێژەران بۆ دۆزینەوەی لاوازییەکان پێش ئەوەی بتوانرێت هاک بکرێن، بەرنامەکە پاداشتی پلە یەک لەخۆدەگرێت، کە زۆرترین پارەی یەک ملیۆن دۆلارە بۆ ئەوانەی توانای بەڕێوەبردنی کۆدی زیانبەخشیان لەسەر سێرڤەرەکان هەیە.

هەروەک خۆیان ئاماژەیان پێکردووە، ئەمە زیاتر بۆ پاراستنی ئاسایش و زانیارییە نهێنییەکانە، هەروەها بۆ زیاتر بەهێزکردنی ئەو سیستمانە بەتایبەت ئەپڵ، کە ژمارەیەکی بەرچاو لە خەڵک بەکاری دەهێنێت.