هونەرمەند ئالان قەرەداغی بەرهەمێکی نوێ بەناوی "یاسای دارستان" بڵاو
دەکاتەوە.
لە لێدوانێکدا بۆ ئێن ئاڕتی دوو، ئالان قەرەداغی رایگەیاند: "رۆژی
٢٧ـی ئەم مانگە، نوێترین کارم بەناوی یاسای دارستان بڵاودەکەمەوە، ناوی ئەم
بەرهەمەش کە دڵم دەکوڵێت بۆ وشە بە وشەی".
وتیشی: "من چاوەڕوانی ئەو بەڵێنەم کە زۆرینەتان پێتان داوم، کاتێک گوێبیستی
بەرهەمەکە دەبن، تکایە بچنە ناو قوڵایی وشەکانم و ئەو دیمەنەم بۆ بگوێزنەوە کە من
بۆم نەخشاندوون، با لە هونەر و جوانی و سادەیی نزیک ببینەوە و کەمێک دووربکەوینەوە
لە ڕۆتینە ناشرینە دووبارەکانی ژیان".
ئالان ئەنوەر کوڕی هونەرمەندی موزیسیان ئەنوەر قەرەداغییە، ساڵی ٢٠٢٢ یەکەم
بەرهەمی هونەریی تایبەت بە خۆی بڵاوکردەوە، هەروەها ژیانی هاوسەریی لەگەڵ تەلار
ئازاد پێکهێناوە.