هونەرمەند هەردی سەلامی نوێترین بەرهەمی خۆی بە ناوی
" یا هەلا" بڵاوکردەوە.
هونەرمەند لەهەژماری فەرمی خۆی لە تۆڕی کۆمەڵایەتی
ئینستاگرام ئاماژەی بە بڵاوکردنەوەی گۆرانییە نوێیەکەی کردووە و نووسیوێتی "
بەهیوام ئێوەش وەک گۆرانییەکە هەمیشە شاد بن، لە ناخی دڵمەوە ئەم بەرهەمەتان
پێشکەش دەکەم، هیوادارم بۆ ساتێکیش بێت دڵخۆشتان بکات و چێژی لێوەربگرن"
بەرهەمەکەی لە نووسین و میوزیکی هونەرمەند خۆیەتی،
ئەفشین شوکری کاری ئەرنجمێنتی بۆ کردووە، کاری میکس و ماسترینگی لەلایەن سیامەک
فەخریزادەوە بۆکراوە، هەرمان شێرزاد کاری دارهێنانی بۆ کردووە.
هەردی سەلامی، لە ساڵی ١٩٨٧لە سلێمانی لەدایكبووە، دەرچووی
بەشی شانۆیە لە پەیمانگای هونەرە جوانەکان، سەرەتا وەک دەرهێنەر کاریکردووە و ماوەیەکە
دەستی بە گۆرانیوتن کردووە خاوەنی چەند گۆرانی و ڤیدیۆ کلیپە، بەرهەمەکانی بینەرێکی
زۆریان هەیە.