کەمخوێنی یەکێکە لە گرفتە باوە تەندروستییەکان کە تیایدا جەستە ناتوانێت بە باشی خرۆکەی سوور بەرهەمبهێنێت، لەئەنجامدا هۆکار دەبێت بۆ باش بڵاونەبوونەوەی ئۆکسجین لە جەستەدا.

ئارون گۆدمانی پزیشک و پسپۆڕی نەخۆشییەکانی خوێن و مامۆستا لە زانکۆی کالیفۆڕنیا رایگەیاندووە، شەکەتی یەکێکە لە نیشانە دیارەکانی کەمخوێنی و زۆرکەس هەستی پێناکەن، زانینی رێژەی خوێن لە جەستەدا ئاسانە و دەتوانرێت نیشانە و هۆکارەکانی دیاری بکرێت.

ئەو پسپۆرە ئاماژەی بە دیارترین نیشانەکانی کەمخوێنی بەمجۆرە خستووەتە روو:

١. لەناکاو گۆڕینی ئارەزووی خواردن و زیاتر ئارەزوو دەکەیت خواردنە ساردەکان بخۆیت.

٢. لاوازبوونی نینۆکەکان و زوو شکاندنیان کە هۆکارەکەی کەمبوونەوەی ئاسنە لە خوێندا، لە هەندێک بارودۆخی توندی نەخۆشییەکەدا روودەدات.

٣. دروستبوونی برین لە دەوری دەم و ناودەم، چونکە ڤیتامین B12 لە کەسانی نەخۆشی کەمخوێنیدا زۆر کەمە، ئەمەش پشت بە جۆرییەتی نەخۆشییەکە و ئاستی توندییەکەی دەبەستێت.

٤. ئاوسانی زمان یان گۆڕانی رەنگەکەی.

٥. روخسار ماندوو و شەکەت دەردەکەوێت.

S.A