منداڵان بەگشتی زۆر ئارەزووی خواردنی چپس دەکەن، بەڵام زیادەڕۆییکردن لە خواردنی زیان بە تەندروستی منداڵان دەگەیەنێت، بەتایبەتی لە قۆناغە سەرەتاییەکانی گەشەکردندا، بەو پێیەی منداڵ پێویستی بە خۆراکی تەندروست و هاوسەنگ هەیە بۆ باشترکردنی بەرگری جەستەیان و بەهێزکردنی توانای مێشکیان.

بەپێی ڕاپۆرتێک کە لە ماڵپەڕی "Times of India" دا بڵاوکراوەتەوە، باس لە کاریگەرییە خراپەکانی چپس لەسەر منداڵان دەکات.

بەپێی ڕاپۆرتەکە، چپس ڕێژەیەکی بەرزی چەوری ناتەندروست و خوێی تێدایە، کە کاریگەری نەرێنی لەسەر تەندروستی مێشک دروست دەکات، چونکە خواردنی ئەو جۆرە خواردنە بە بەردەوامی دەبێتە هۆی هەوکردن لە مێشکدا و لاوازکردنی کارکردنی، هەروەها مەترسی تووشبوون بە تێکچوونی دەمارەکان و زەهایمەر زیاد دەکات.

جگە لەوەش، چپس دەبێتە هۆی بەرزبوونەوەی خێرای ئاستی شەکری خوێن، ئەمەش دەبێتە هۆی دابەزینی وزە لە منداڵاندا و خراپی تەرکیزکردنیان، زیانگەیاندن بە خانەکانی مێشک.

بەڵکو بەو پێیەی منداڵان بەگشتی ئارەزووی خواردنی چپس دەکەن، بۆیە دایکان دەتوانن لە ماڵەوە دروستی بکەن، تام و بەهاراتی سروشتی بەسوودیان بۆ زیاد بکەن کە تامیان خۆشتر دەکات.