پزیشکێکی دەروونی رایدەگەیەنێت، هێرشی لەناکاوی ترس و دڵەڕاوکێ حاڵەتێکی دەروونی توندە، کە بەزۆری ماوەیەکی کورت دەخایەنێت و دەبێتە هۆی هەناسە تەنگی.

دکتۆر میریام پرێس لە بابەتێکدا ئاماژە بەوە دەکات، هێرشی ترس و دڵەڕاوکێ بەهۆی گرژی و فشاری دەروونییەوە روودەدات، چ لە ژیانی پیشەیی یان کەسیدا، وەک ترس لە تاقیکردنەوەکان، چاوپێکەوتنی کار، یان فشاری دەروونی لە شوێنی کاردا، ئاماژەی بەوەشکرد، هێرشەکان رەنگە بۆماوەییش بێت و رەنگە بەبێ ئەوەی هیچ شتێک رووبدات بوونی هەبێت.

پرێس ئاماژەی بەوەشکردووە، هێرشی ترس و دڵەڕاوکێ چەندین نیشانەی هەیە، دیارترینیان هەناسەدانی خێرا و هەناسە تەنگی و لێدانی خێرای دڵ و لەرزینن.

هەروەها نیشانەکانی تر بریتین لە سکچوون، سەرگێژخواردن، هەستکردن بە بێهۆشبوون، بێهێزی یان مەیل بۆ بوورانەوە، لاوازی لە کۆتاییەکانی جەستە و سکچوون.

هێرشی لەناکاوی ترس و دڵەڕاوکێ دەتوانرێت لە رێگەی تەکنیکەکانی پشوودانەوە وەک شلبوونەوەی ماسولکەکان و راهێنانی هەناسەدان رووبەرووی ببیتەوە، هەروەها وەرزشکردن یارمەتی بەرەنگاربوونەوەی هێرشی ترس و دڵەڕاوکێ دەدات.

لە حاڵەتە توندەکاندا دەتوانرێت چارەسەری دەرمانی وەک دژە خەمۆکی بەکاربهێنرێت.