مەخلەمە یەکێكە لە باوترین خواردنەکان لە رۆژهەڵاتی ناوەڕاست بە گشتی کە کەسانێکی زۆر ئارەزووی خواردنی دەکەن و دەتوانن وەك ژەمێکی سووك یان سەرەکی ئامادەی بکەن و چێژی لێ ببینن.

کەرەستەکان:

- زەیتی رووەکی

- چارەکێک گۆشتی قیمە

- چوار هێلکە

- دوو دەنك پەتاتەی کوڵاو

- دوو پیازی وردکراو

- دوو تەماتەی وردکراو

- نیو کوپ مەعدەنوسی وردکراو

- خوێ و بیبەری رەش و زەردەچەوە

شێوازی ئامادەکردنەکەی:

زەیتە رووەکییەکە لەناو تاوەکەیدا گەرم بکە و پیازەکەی تێبکە و سووری بکەرەوە، ئینجا گۆشتەکەی تێبکە و لەناویدا دایبنێ تا پێدەگات.

دواتر پەتاتە کوڵاوەکەی تێبکە کە لەت لەت کراوە لەگەڵ تەماتە و مەعدەنوسەکەدا، هەموویان تێکەڵ بکە و بەهاراتەکان بکە بەسەریاندا، تێکەڵی بکە تا هەمنووی تام دەگرێت.

لە کۆتاییدا هێلکەکان بکە بسەریدا و لەسەر ئاگرێکی کز بەجێی بهێڵە تا پێدەگات و پێشکەشی بکە.