هۆکارەکانی لەرزینی دەست چین؟

AM:08:54:14/02/2024

17348 جار خوێندراوەتەوە

لەرزینی دەست زۆر کات بۆ چەند بارودۆخێکی ئاسای جەستە دەگەڕێتەوە، پەیوەندی بە نەخۆشییەکی دیاریکراوەوە نییە، رەنگە بەهۆی ماندووییەتی زۆرەوە یاخود بەکارهێنانی دەرمانەوە بێت.

ماڵپەڕی " الطبي " لە بابەتێکیدا ئاماژەی بە هۆکارەکانی لەرزینی دەستەکان کردووە، بریتین لە:

١.فشار و دڵەڕاوکێ: زۆرکات دەستەکان تووشی لەرزین دەبن بەهۆی فشار یان بیرکردنەوەی زۆر کە دەبنە هۆی دەردانی بڕێکی زۆر هۆڕمۆنی ئەدریناڵ و بەم شێوەیەش خوێنێکی زۆر بەخێرای بە دەمارەکاندا دەڕۆن.

٢. جەڵتەی مێشک: ئەگەر دەستبەجێ چارەسەر نەکرێت، جەڵتەی مێشک لەوانەیە زیانێکی هەمیشەیی لێبکەوێتەوە، لە هەندێک حاڵەتیشدا دەبێتە هۆی لەرزین لە دەستدا بەپێی شوێنی تووشبوو.

٣. هەستکردن بە برسییەتی: بەهۆی کەمبوونەوەی بەرچاوی ئاستی گلوکۆز لە جەستەدا، دەبێتە هۆی لەرزینی دەستەکان.

٤. وازهێنان لە خواردنەوەی کحول: دەتوانێت یەکێک بێت لە هۆکارەکانی لەرزینی دەست لە پیاوان یان ئافرەتان، بەو پێیەی ئەو کەسانە تووشی نیشانەکانی کشانەوە دەبن کاتێک واز لە خواردنەوەی کحولی دەهێنن، وەک لەرزینی دەست، خەونبینینی زۆر و ئارەقکردنەوە، لە هەندێک بارودۆخدا رەنگە بەردەوام بێت بۆ ماوەی ساڵێک یان زیاتر.

S.A