هونەرمەندی گۆرانیبێژ هەڵوێست
محەمەد نوێترین گۆرانی خۆی بە ناوی " پەشیمان ئەبێتەوە" بڵاودەکاتەوە.
هونەرمەند لە هەژماری
فەرمی خۆی لە ئینستاگرام باس لە کارە نوێیەکەی دەکات و دەڵێت " لە ناخی دڵەوە
ئەم هەستە هەڵقوڵاوەش بۆ بێ وەفایەک ووتراوە"
لە درێژەی قسەکانیدا
دەڵێت " بەوپەڕی خۆشحالییەوە پێتان دەڵێم گۆرانییەکتان پێشکەش دەکەم بە ناوی
(پەشیمان ئەبێتەوە)، خۆزگە ئەمتوانی پەشیمان نەبوومایەتەوە لەوەی ئەمە دواهەمین گۆرانیم بووایە و ئیتر
گۆرانیم نەوتایە، بۆی هەر کاتێک ناوی من هات ئەم گۆرانییە لەگەڵتاندا بمێنێتەوە و
بێتەوە بیرتان"
بەرهەمەکە لە تێکست و میلۆدی فەریاد مەجید
ئابادە، کاری ئەرێنجمێنتی لەلایەن ئەفشیین شوکرییەوە بۆ کراوە، عەلی شەریفزادە
کاری میکس و ماسترینگی کردووە، زانیار فەتاح کاری دەرهێنەری بۆ کردووە.
ئەم بەرهەمە تازەیەیی بریارە رۆژی پێنجشەمە بڵاوبکرێتەوە.
ھەڵوێست محەمەد
لەدایکبووی شاری ھەڵەبجەیە، لە ساڵی ٢٠٠٢ دەستی بە کاری ھونەریی کردووە، چەندین گۆرانی
و ڤیدیۆ کلیپی تایبەت بەخۆی هەیە.
A.A