جگەری مریشک تام و چێژێکی تایبەتی هەیە، زۆر کەس ئارەزووی دەکات و دەتواندرێت بە ئاسانی لە ماڵەوە ئامادە بکرێت.

کەرەستەکانی:

نیو کیلۆ جگەر.

یەک بیبەر.

یەک پیازی گەورە .

یەک کەوچکی بچوک سیر.

دوو کەوچک زەیتی زەیتوون.

خوێ.

کەوچکێک بیبەری رەش.

ئامادەکردنەکەی:

زەیتەکە بخەرە ناو تاوەیەکەوە و لەسەر ئاگرێکی کز گەرمی بکە و سیر و پیاز و بیبەرەکەی تێدا سووربکەرەوە.

دوایی ئەوەی جگەرەکەت پارچە پارچەی بچووکت کرد، ئینجا جگەرەکەی تێبکە و بۆماوەی ١٠ خولەک سووریبکەرەوە لەگەڵیدا.

پاشان خوێ و بیبەری رەشی بکە بەسەریدا و هەمووی بەیەکەوە تێکەڵ بکە.

کە هەموو پێکهاتەکان بە تەواوی سووربووە ئینجا بیکوژێنەرەوە و لەگەڵ نانی گەرمدا پێشکەشی بکە.