توێژەران ئاماژەیان بەوە کردووە کە سەوزەی زستانە ئەو خۆراکانەن کە چەندین توخمە گرنگییان تێدایە بۆ جەستە و بۆ بەهێزکردنی سیستەمی بەرگری جەستە.

شارەزایانی گۆڤاری "Helpraxisentـی ئەڵمانی روونیان کردەوە، بەهێزی سیستەمی بەرگری جەستە بەو ڤیتامین و کانزا و ماددە خۆراکییانەی لە سەوزەدا هەیە بەرزدەبێتەوە.

هەروەها سەوزەی زستانە بە رێژەیەکی زۆر لە ڤیتامین سی و ریشاڵ بەناوبانگە وەک سپێناخ، پیازی سەوز، کەلەرم، گێزەر، کولەکە، توور، کاهوو و سیر.

توێژینەوە نوێیەکان ئاماژەیان بەوە کردووە کە هەندێکیان یارمەتی دابەزاندنی کۆلیسترۆڵی خوێنیش دەدەن وەک سپێناخ و کەلەرم و چەوەندەر.

شایەنی باسە خۆراکی هاوسەنگ بنەمایەکی پێویستە بۆ تەندروستی باش و بەهێزکردنی سیستمی بەرگری جەستە، جگە لە خەوتنی باش و چالاکی جەستەیی.
H.Y