ژنێکی تونسی لە ویلایەتی منستیر بەهۆی ئەوەی بەبێ هیچ
رێکارێکی یاسایی منداڵەکانی فرۆشتووە بەو خێزانانەی منداڵیان نابێت و دەیانەوێت
مندال هەڵبگرنەوە، تۆمەتی "بازرگانی کردن بە مرۆڤ"ـی درایە پاڵ.
بەپێی هەواڵێکی ماڵپەڕی "روسیا تودەی"، فرید
بن جحا وتەبێژی دادگاکانی منستیر و مهدیە، لەبارەی کەیسەکەوە وتی "ئەو ژنە
دەچووە نەخۆشخانەی منداڵبوونەوە لەبری ناسنامەی خۆی ناسنامەی ئەو ژنەی دەبرد کە
ویستی هەڵگرتنەوەی منداڵەکەی هەبووە و دواتر منداڵەکەی دەکردە سەر ناوی ئەو خێزانە
و لەبەرامبەردا بڕێک پارەی وەردەگرت، بەبێ ئاگاداری دەزگای هەڵگرتنەوە و بەخێوکردنی
منداڵ."
لە ئێستادا روبەڕووی سزای ١٥ ساڵ زیندانیکردن بووەتەوە
لەسەر ئەو تاوانەی کە کردویەتی.