ڤیتامینەکان کۆمەڵێک مادەی پێویستن بۆ باشترکردنی کارکردنی خانەکان، ئەمە جگە لەوەی رۆڵیان هەیە لە گەشەکردنی جەستەدا.

لە بابەتێکی ماڵپەڕی " Aljazeera" دا باس لە دیارترین سوود و جۆرەکانی ڤیتامینەکان دەکات، بەم شێوەیە:

سوود و جۆرەکانی ڤیتامینەکان:

ڤیتامین A: یارمەتی دروستبوون و پاراستنی تەندروستی ددان و ئێسک و شانە نەرمەکان و پێست دەدات.

ڤیتامین B6: یارمەتی دروستکردنی خڕۆکە سوورەکانی خوێن و پاراستنی کارکردنی مێشک دەدات.

ڤیتامین B12: هاوشێوەی ڤیتامینەکانی تری B گرنگە بۆ میتابۆلیزم، هاوکات یارمەتی دروستبوونی خڕۆکە سوورەکانی خوێن و پاراستنی کۆئەندامی دەمار دەدات.

ڤیتامین C : دژە ئۆکسێنەرە و دەبێتە هۆی باشترکردنی تەندروستی ددان و پووک، یارمەتی جەستە دەدات ئاسن هەڵبمژێت و شانە تەندروستەکان بپارێزێت، هەروەها پێویستە بۆ چاکبوونەوەی برینەکان.

ڤیتامین D : یارمەتی جەستە دەدات بۆ هەڵمژینی کالیسیۆم، کە گرنگە بۆ گەشەکردن و پاراستنی تەندروستی ددان و ئێسکەکان، هەروەها یارمەتیدەرە بۆ پاراستنی ئاستی دروستی کالیسیۆم و فسفۆر لە خوێندا.

ڤیتامین E: دژە ئۆکسێنەرێکە کە بە توکۆفیرول ناسراوە، یارمەتی جەستە دەدات خڕۆکە سوورەکانی خوێن دروست بکات.

ڤیتامین K : یارمەتی باشتربوونی سووڕی خوێن دەدات جەستە دەپارێزێت لە خوێن مەین بوون و تەندروستی ئێسک باشتر دەکات.

ڤیتامین B5 : پێویستە بۆ میتابۆلیزمی خۆراک، هەروەها ڕۆڵی هەیە لە بەرهەمهێنانی هۆرمۆن و کۆلیسترۆڵ.

بایۆتین : پێویستە بۆ میتابۆلیزمی پرۆتین و کاربۆهیدراتەکان، هەروەها لە بەرهەمهێنانی هۆرمۆن و کۆلیسترۆڵدا.

ڤیتامین B : یارمەتی پاراستنی تەندروستی پێست و دەمارەکان دەدات.

ترشی فۆلیک: کە لەگەڵ ڤیتامین B12 کاردەکات و یارمەتی دروستکردنی خڕۆکە سوورەکانی خوێن دەدات، پێویستە بۆ بەرهەمهێنانی DNA کە کۆنترۆڵی گەشەی شانەکان و کارکردنی خانەکان دەکات.

ڤیتامین B2: لەگەڵ ڤیتامینەکانی تری B کاردەکات کە گرنگە بۆ گەشەی جەستە و بەرهەمهێنانی خڕۆکە سوورەکانی خوێن.

ڤیتامین B1: یارمەتی خانەکانی جەستە دەدات کاربۆهیدراتەکان بگۆڕن بۆ وزە، هەروەها پێویستە بۆ تەندروست کارەکانی دڵ و خانەکانی دەمار.

کۆلین: مادەیەکی خۆراکییە کە زۆر لە ڤیتامینەکانی گروپی بی دەچێت، یارمەتی کارکردنی ئاسایی مێشک و کۆئەندامی دەمار دەدات، کەمی کۆلین دەبێتە هۆی ئاوسانی جگەر.
A.A