شێوازی ئامادەکردنی کوبە یەکێکە لە خواردنە بە تامەکان کە زۆر کەس ئارەزووی دەکەن،لێرەدا شێوازی ئامادەکردنەکەی دەخەینەروو.
پێکهاتەکانی:

سێ پەرداخ برنج ٥٠٠گرام قیمە پیاز بایەم و گوێز خوێ بەهارات کەرەوزی وردکراو زەردەچەوە بیبەری رەش زەیت ئاو ئامادەکردنەکەی:

برنجەکە لەگەڵ چوار کوپ ئاو و خوێ و زەردەچەوە تێکەڵ بکە و بیکە سەر ئاگر.

با لەسەر ئاگربێت تا بە جوانی دەکوڵێت و ئاوەکە هەڵدەچنێتەوە، پاشان بیکە سەر سینەیەک تا سارد دەبێتەوە.

دوای ساردبوونەوەی برنجەکە بەدەست بیشێلە تا دەبێت بە هەویر. بە زەیتەکە پیاز و قیمە و کەرەوزەکە سوور بکەوەرەوە و دواتر بایەم ، گوێز،

بیبەری رەشی لەگەڵدا تێکەڵ بکە.

برنجەکە بە دەست خڕی بکەرەوە و پێکاتەکانی بکە ناوی و دواتر دەمی هەویرەکە داپۆشەرەوە، دوایی ئامادەبوونی سووری بکەرەوە، لە کۆتاییدا لەگەڵ زەڵاتەیەک پێشکەشی بکە.