کونجی دەتوانێت خۆراکێکی زۆر باش بێت، بەهایەکی خۆراکی بەرز و جیاوازی هەیە، هەروەها سوودی تەندروستی زۆر و جۆراوجۆری هەیە،

ماڵپەڕی " WebTeb " لە هەواڵێکیدا سوودە گرنگەکانی خواردنی کونجی بڵاویکردووەتەوە، بریتین لە:

١.دەوڵەمەندە بە ڤیتامین B :کونجی سەرچاوەیەکی باشە بۆ ڤیتامینەکانی B .

٢. کۆنتڕۆڵکردنی نەخۆشی شەکرە: کاریگەری ئەرێنی هەیە لەسەر کۆنتڕۆڵکردنی نیشانەکانی نەخۆشی شەکرە و دەتوانێت یارمەتیدەر بێت لە رێکخستنی ئاستی شەکری خوێن بە گشتی.

٣. شێدارکردنی پێست: کەشوهەوای سارد دەبێتە هۆی وشکبوونەوەی پێست، کونجی سەرچاوەیەکی باشی ترشە چەورییەکانە، ئەمەش یارمەتیدەرە بۆ ئەوەی پێست بە شێداری بمێنێتەوە و رێگری بکات لە وشکبوونەوەی لە مانگەکانی زستاندا.

٤. تەندروستی دڵ: چەوری تەندروست لەخۆ دەگرێت کە تەندروستی دڵ دەپارێزێت، ئەم چەورییانە دەتوانن یارمەتی دابەزاندنی ئاستی کۆڵیستڕۆڵی خراپ بدەن.

٥. تەندروستی ئێسک: ئەو کالیسیۆم و زینکەی لە تۆوی کونجیدا هەیە سوودبەخشە بۆ پاراستنی ئێسکەکان، خواردنی کونجی بە تایبەتی لە وەرزی زستاندا گرنگە کاتێک چالاکییەکانی دەرەوە سنووردار دەبن.

S.A