رووەکی رۆزماری بەناوبانگە بە تایبەتمەندییە چارەسەرییەکانی، خواردنی بڕێکی کەم لە رۆژێکدا یارمەتی باشترکردنی هەرسکردن دەدات و گرژی دەمارەکان کەمدەکاتەوە، یارمەتی چاکبوونەوە دەدات دوای جەڵتەی مێشک.

ماڵپەڕی " AL MAYADEEN" ئاماژەی بە چەند تایبەتمەندییەکی رۆزماری کردووە، لەوانەش:

١.سەرچاوەیەکی دەوڵەمەندە بە دژە ئۆکسێنەر و دژە هەوکردن، یارمەتی بەرزکردنەوەی سیستەمی بەرگری جەستە و باشترکردنی سوڕی خوێن دەدات.

٢. بەهێزکردنی یادەوەری و باشترکردنی باری دەروونی، بۆنی رۆزماری دەتوانێت تەرکیز، ئەدای کارکردن، خێرایی، وردبینی و تا رادەیەکی کەمتر باری دەروونی مرۆڤ باشتر بکات.

٣. کەمکردنەوەی دروستبوونی ماددە شێرپەنجەییەکان، کاتێک رۆزماری دەخرێتە ناو خۆراکەوە، ناوەڕۆکی پێکهاتە زیانبەخشەکانی هێترۆسیکلیک و گلایکەی پرۆتین کەم دەبێتەوە، لە هەمان کاتدا تایبەتمەندییە سوودبەخشەکانی خۆراک دەپارێزێت.

٤. فشاری دەروونی کەمدەکاتەوە، ، یارمەتی پاککردنەوەی هەوای ناو ماڵ دەدات لە میکرۆبەکان.

٥. بەکاردەهێنرێت بۆ چارەسەرکردنی قورگ ئێشە، هەوکردنی بۆرییەکانی هەناسە، ئاوی لووت و هەوکردنی توندی ڤایرۆسی هەناسەدان.

S.A