قورس تێگەیشتن لە کەسی بەرامبەر بەو مانایە دێت، نەزانیت چی دەوێت و بەنیازی چییە، لەدایکبووانی بورجی گا بەپێی ئەستێرەناسان قورسترینن لە ناو بورجەکاندا بۆ تێگەیشتن.

ماڵپەڕی "یۆر تانگۆ" لە بابەتێکیدا، گرنگترین ئەو هۆکارانە ئاشکرا دەکات کە بۆچی لەدایکبووانی ئەم بورجە قورسن بۆ تێگەیشتن، بەمشێوەیە:

١. کەسانی سەرسەخت و کەللـەڕەقن، هەروەک هێمای بورجەکەیان کە گایە، خۆشیان کەسانی کەللـەڕەقن، ئەو شتانەی دەیانەوێت وازی لێ ناهێنن تاکو ئەنجامی نەدەن.

٢. لەدایکبووانی بورجی گا هەمیشە گرنگی بە خۆیان دەدەن، سنوورەکانیان بە هەر شێوەیەک بێت دەپارێزن و ناهێڵن ببەزێنرێت لەلایەن کەسانی ترەوە.

٣. لە رووی دەربڕینی هەستەکانەوە، لەدایکبووانی بورجی گا زۆر قورس خۆیان دەدەن بە دەستەوە، واتە زۆر بە قورسی دەتوانیت بزانیت لەدایکبووێکی بورجی گا هەست بە چی دەکات تا ئەو کاتەی خۆی پێت دەڵێت.

٤. سیفەتی دژ بەیەکیان هەیە، بۆ نموونە دەکرێت هەم کەسانی لاواز بن و هەمیش بەهێز یان هەندێک جار بێ هەست و سۆز بن و هەندێک جاریش زۆر سۆزدار بن.

٥. کاردانەوەکانیان چاوەڕواننەکراون، هەندێک جار بە هەڵەی زۆر بچووک تێکدەچن و توڕە دەبن، بەڵام جاری واش هەیە بابەتەکە گەورەیە و ئەو لێبووردە دەبێت، بۆیە هەرگیز چاوەڕێی کاردانەوەیەکی چاوەڕوانکراو لەم بورجە مەکە.
M.B