زیپکە لەسەر ڕوومەت
کێشەیەکی باوە و زۆر کەس تووشی دەبێت، هەرچەندە هەموو جۆرەکانی زیپکە لە ئەنجامی گیرانی
کونیلەکانەوە بەهۆی چەوری زیادە و پیسی و پێستی مردووەوەیە، بەڵام زیپکەی سەر ڕوومەت
دەتوانێت جیاواز بێت لە زیپکەی ناوچەکانی تری دەموچاو.
لە بابەتێکی ماڵپەڕی " راي اليوم"
دا ئاماژە بە دیارترین ئەو هۆکارانە دەکات کە دەبنە هۆی دروستبوونی زیپکە لەسەر ڕوومەت،
دیارترینیان ئەمانەن:
١. دەست لێدان لە دەموچاو: زۆر جار دەست لە دەموچاومان دەدەیت،
ئەمەش دەبێتە هۆی گواستنەوەی میکرۆب بۆ پێست، پێویستە خۆت بەدوور بگرێت لە دەست لێدانی
زۆر لە دەموچاوت.
٢.
بەکارهێنانی تەلەفۆن: مۆبایل میکرۆب و پیسی زۆر کۆدەکاتەوە، باشتر وایە بە بەردەوامی
شاشەی مۆبایلەکەت پاک بکەیتەوە.
٣.
بالیفەکان پاک بکەرەوە: بالیفەکان پێویستە بە بەردەوامی بشۆردرێت بۆ ئەوەی میکرۆب
و پیسییان لەسەر کۆنەبێتەوە.
٤.
فڵچەی ماکیاژ و بەرهەمەکانی پێست: دڵنیابە فڵچەی ماکیاژەکەت پاک و خاوێنە و دوور
بکەوەرەوە لەو بەرهەمانەی کە پێکهاتەکانیان لەگەڵ پێستدا ناگونجێت.
٥.
چاودێریکردنی پێستت: پەیڕەوکردنی ڕۆتینی چاودێریکردنی پێستی ڕۆژانە کە پاککردنەوە
و شێدارکردنەوە لەخۆدەگرێت، ئەو بەرهەمانە هەڵبژێرە کە لەگەڵ جۆری پێستت دەگونجێت.
٦.
بۆماوەیی: ڕەنگە هەندێک کەس بەهۆی بۆماوەییەوە زیاتر تووشی زیپکە بن لەسەر ڕوومەت،
لەم دۆخەدا پێویستت بە ڕاوێژکردنە بە پزیشکی پێست.
٧.
خۆراک و شێوازی ژیان: خووی خواردن و ئاستی فشاری دەروونیت کاریگەری لەسەر زیپکەکانت
دەبێت، هەوڵبدە خۆراکی تەندروست و بخۆیت و ئاستی فشاری دەروونیت کەم بکەیتەوە.
A.A