هونەرمەندی گۆرانیبێژ
میرا عەلی دوو گۆرانی بە ناوەکانی "شیرینە شیرینە" و "لەیلۆ"
بە شێوەزاری بادینی بڵاوکردەوە.
لە لێدوانێکدا بۆ ئێن
ئاڕ تی دوو، هەڵکەوت زاهیر ئاوازدانەری یەکێک لە گۆرانییەکان رایگەیاند "گۆرانی
شیرینە شیرینە لە ئاوازی خۆمە و تێکستی بێکەسە، کاری دابەشکردنی لەلایەن محەمەد ئارازەوە
بۆ ئەنجام دراوە".
هەروەها گۆرانی
"لەیلۆ" لە ئاوازی مەتین ئەیوبە و تێکستی سەلمان شێخە، کاری ئەرەنجمێنتی
لەلایەن رێناس کورداخەوە بۆ ئەنجام دراوە.
میرا عەلی یەکێکە لە گۆرانیبێژە ناسراوەکانی کوردستان، زیاتر
لە ١٠ ساڵە سەرقاڵی کاری هونەرییە، خاوەنی چەندین گۆرانی و ڤیدیۆ کلیپی تایبەت بەخۆیەتی،
بەشێکی زۆری کارەکانی لەگەڵ هونەرمەند هەڵکەوت زاهیردا کردووە.
M.B