کامەران رەسوڵ ژاژڵەیی پسپۆڕی زانستی خۆراک لەو بارەیەوە ئاماژەی بەوە کردووە، کە دەرکەوتنی زیپکە لە هەموو تەمەنێکدا هۆکاری زۆرە لەوانە تێکچوونی هۆرمۆنەکان، پاک رانەگرتنی پێست، هەوکردن، گیرانی کونیلەی پێست، کۆبوونەوەی چەوری بەڵام هەندێک خواردن هەیە کە رەنگە ببنە هۆی چارەسەر و کەم کردنەوەی، ئەوانیش:

١. سەوزە و میوەی رەنگ جیاواز بە تایبەت میوە و سەوزە خۆماڵییەکان .

٢. چای سەوز .

٣. زەردەچەوە بەکاربهێنرێت لە ناو خواردنی رۆژانە .

٤. ئەو خۆراکانەی دەوڵەمەندن بە ئۆمێگا سێ وەک ماسی سەلەموون، بادەم، گوێز .

٥. ئەو خۆراکانەی دەوڵەمەندن بە ڤیتامین A ، E ،D وەک سەوزە و میوەی رەنگ پڕتەقاڵی و زەرد و چەرەسات.
٦. ئەو خۆراکانەی دەوڵەمەندن بە زینک، وەک پاقلەمەنییەکان، دانەوێڵە تەواوەکان، بڕۆکلی، سپێاخ، فاسۆلیا .

٧. ئەو خۆراکانەی دەوڵەمەندن بە ماددە دژە ئۆکسانەکان وەک میوە و سەوزە گەڵاتۆخەکان، دەنکی کەتان بە هاڕاوەیی لە ناو خواردن ، تۆوی شیا .

٨. پڕۆبایۆتیکەکان، وەک ماستی بێ سەرتوێژ، ترشیاتی زەرد.
M.B