زەیتی گوڵ بژاردەیەکی سروشتی چاودێری پێستە کە هەر لە کۆنەوە بەکارهاتووە، دەوڵەمەندە بە توخمە خۆراکیەکان وەک ڤیتامین و کانزاکان، ئەمە جگە لەوەی دژە ئۆکسێنەر و توخمەکانی دژە هەوکردن و هەستیارییە.

لە بابەتێکی ماڵپەڕی "رای الیوم" دا گرنگترین سوودەکانی زەیتی گوڵ و چۆنیەتی بەکارهێنانی لە رۆتینی رۆژانەدا دەخاتە روو، بەم شێوازە:

١. دژە چرچبوونە و یارمەتی توندکردنەوەی پێست دەدات: یارمەتی کەمکردنەوەی دەرکەوتنی چرچ و لۆچی و هێڵی ورد لەسەر پێست دەدات، پێکهاتە سروشتییەکانی دەتوانێت هاندەری بەرهەمهێنانی کۆلاجین بێت و لە کاریگەرییەکانی پیربوون پێست بپارێزێت.

٢. لابردنی پێستی مردوو: پێست نەرم و شێدار دەکاتەوە، هەروەها یارمەتیدەرە لە رزگاربوون لە پێستی مردوو و نوێکردنەوەی خانەکان، ئەمەش روخسارێکی گەشاوەتر و زیندووتر بە پێست دەبەخشێت.

٣. بەرەنگاربوونەوەی هەوکردن و هەستیاری: بەهۆی تایبەتمەندی دژە هەوکردن، یارمەتی هێورکردنەوەی پێست دەدات و خوران و سووربوونەوە کەم دەکاتەوە.

٤. شێدارکردنی پێست: بە قووڵی پێست شێدار دەکات، ئەمەش بۆ پێستی وشک و هەستیار گونجاوە.

٥. چارەسەری پەڵە: دەتوانێت یارمەتیدەر بێت لە کەمکردنەوەی دەرکەوتنی پەڵە لەسەر پێست، وا دەکات پێست تازەتر و درەوشاوەتر دەربکەوێت.

پێش ئەوەی بەکاریبهێنیت، باشتر وایە ئەو زەیتە لەسەر بەشێکی بچووکی پێست تاقی بکەیتەوە بۆ ئەوەی دڵنیا بیت لەوەی هیچ جۆرە هەستیارییکت نییە.

چەند رێگایەکی بەکارهێنانی زەیتی گوڵ:

ئەم تێکەڵەیە بۆ پاککردنەوەی پێست: ئاوی گوڵ دەتوانرێت لەگەڵ زەیتی بادەم و کەوچکێک نیشاستە و شیری تۆز تێکەڵ بکرێت، تێکەڵەکە بدە لە پێست و بۆ ماوەی چارەکێک بەجێی بهێڵە پاشان بە بە ئاو بیشۆ.

ئەم تێکەڵەیە بۆ رزگاربوون لە سووربوونەوەی پێست: کەمێک شەکری ورد لەگەڵ ئاوی گوڵ تێکەڵ بکە بۆ ئەوەی وەک ماسک لەسەر پێست بیدەیت. بۆ ماوەی چارەکێک بەجێی بهێڵە، پاشان بە ئاو بیشۆ.

ئەم تێکەڵەیە بۆ گەنجکردنەوە و دەروشانەوەی پێست: دەتوانیت خەیارێک لەگەڵ زەیتی گوڵ تێکەڵ بکەیت و ماسکەکە بدەیت لە پێست، دواتر بۆ ماوەی چارەکێک بەجێی بهێڵیت پاشان بە ئاوی شلەتێن بیشۆ.

ئەم تێکەڵەیە بۆ رزگاربوون لە چەوری پێست: سرکەی سێو دەتوانرێت لەگەڵ ئاوی گوڵ تێکەڵ بکرێت بۆ رزگاربوون لە چەوری پێست.
A.A