زۆربەی دایکان و باوکان شێوازی تایبەتی خۆیان
هەیە لە پەروەردەکردن و فێرکردنی منداڵەکانیاندا بۆئەوەی نەوەیەکی پێگەیشتوو و سەرکەوتووی
لێدەربچێت.
ماڵپەڕی "عائلتي" ئاماژەی بە چەند
هەنگاوێکی سادە کردووە بۆ فێرکردنی ئەتەکێتی
منداڵان بۆ دەرچوون لە ماڵەوە، ئەوانیش:
١.منداڵ فێری ئامادەکاری باش بکە پێش ئەوەی لە
ماڵەوە دەربچێت، وەک پۆشینی جلوبەرگی گونجاو و شوشتنی ددانەکانی و دەم و دەستەکانی.
٢.منداڵ پێویستە فێربکرێت دایک و باوکی ئاگادار بکاتەوە لە کاتی دەرچوونی لە ماڵ و دیاریکردنی
کاتی گەڕانەوەی.
٣.منداڵ فێری ئەتەکێت بکە بۆ مامەڵەکردن لەگەڵ
کەسانی تر لەکاتی دەرچوون لە ماڵەوە، وەک سڵاوکردن و قسەکردن بە ئەدەبەوە لەگەڵ ئەو
کەسانەی چاویان پێی دەکەوێت.
٤.منداڵ فێری پابەندبوون بە رێساکانی هاتوچۆ و
سەلامەتی لە کاتی پەڕینەوە لە رێگا و شەقامەکاندا بکە.
٥.منداڵ فێر بکە قسە لەگەڵ کەسانی نەناسراو نەکات
و هیچ دیارییەک یان خواردنێکیان لێ وەرنەگرێت.
٦.منداڵ فێری رێزگرتن لە موڵکی گشتی بکە و قسەی ناشیرین نەڵێت یان رەفتارێکی نەشیاو
نەکات.
S.A