لەگەڵ بڵاوبوونەوەی مۆبایلە زیرەکەکان، کە بوونەتە پێویستییەکی سەرەتایی، خێزانەکان رووبەڕووی دۆخێکی ئاڵۆز دەبنەوە تا ئەوەی بزانن منداڵەکانیان ئامادەن بۆ بەکارهێنانی مۆبایل و تەکنەلۆژیا.

رۆژنامەی "واشنتۆن پۆست” راپرسییەکی لەگەڵ پسپۆڕان ئەنجامداوە بۆ ئەوەی کۆمەڵێک ئامۆژگاری بۆ دایک و باوکان بخەنەڕوو دەربارەی بەکارهێنانی مۆبایلە زیرەکەکان بۆ مندالەکانیان، ئاماژە بەوە دەکات تەمەنی گونجاو بۆ منداڵان بۆ بەکارهێنانی مۆبایلی زیرەک لە نێوان ١٠ بۆ ١٤ ساڵیدایە.

ئەمە بەو مانایە نایەت کە منداڵان لە نێوان ئەم تەمەنەدا راستەوخۆ مۆبایلی زیرەک بەکاربهێنن، چونکە پێویستە سەرەتا بە بەرپرسیارێتی بەکارهێنانی ئامێرەکانی پەیوەندیکردن فێر بکرێن.

وەک لە رۆژنامەکەدا هاتووە، پێویستە دایک و باوک بە گفتوگۆکردن دەستپێبکەن، لەو کاتەی منداڵەکە تەمەنی ١٠ ساڵە، لە مەترسی و زیانەکانی مۆبایلی زیرەک ئاگادار بکرێنەوە، دواتر لەگەڵ نزیکبوونەوەی قۆناغی شەشەم و حەوتەمی خوێندن، رێگە بدرێت ئەو جۆرە ئامێرانە بەکاربهێنرێت.