ئاردی گەنمەشامی لە هاڕینی گەنمەشامی دروست دەکرێت و بە یەکێک لە دانەوێڵە تەواوەکان دادەنرێت و کۆمەڵێک سوودی تەندروستی هەیە بە هۆی بوونی ڕێژەیەکی باش لە کانزا و ڤیتامینەکان و ماددە ریشاڵەکان.

گرنگترین سوودەکانی لەلایەن پسپۆڕی خۆراک دکتۆر کامەران ژاژڵەییەوە ئاماژەی پێکراوە، کە بریتیین لە:

١. هەڵبژاردەیەکی باشە بۆ ئەوانەی نەخۆشی گەنم یان هەستیارییان بە گلووتین هەیە.

٢. بەهێزکردنی تەندروستی چاو چونکە دەوڵەمەندە بە ماددەی کارۆتینەکان و کەمکردنەوەی ئەگەری تووشبوون بە رەشبوونی هاوێنەی چاو و کۆمەڵێک نەخۆشی تر.

٣. یارمەتی خۆپاراستن دەدات لە نەخۆشی شەکرەی جۆری دووەم و نەخۆشیەکانی دڵ و هەندێک جۆری شێرپەنجە.

٤. باشتر کارکردنی پڕۆسەی هەرس کردنی خۆراک و چالاک کردنەوەی کۆئەندامی هەرس و رێگری کردن لە قەبزی.

٥. سەرچاوەیەکی باشە بۆ ڤیتامینەکان بە تایبەت ڤیتامین B1 و مەگنسیۆم و مەنگەنیز و سیلینۆم .

بەها خۆراکیەکانی بریتیین لە:

هەموو 100 گرامێک لە ئاردی گەنمەشامی پێکهاتووە لە:

پڕۆتین 10.3گرام .

کاربۆهیدرات 75.8 گرام .

چەوری 5.1 گرام .

ماددە ریشاڵیەکان6.9 گرام.

کالۆری 384

لە کۆتاییدا ئاردی گەنمەشامی دەتوانرێت بەکاربهێنرێت لە دروست کردنی نان و سەموون و ئیشی هەویر و کێک و پسکیت، بەڵام هەندێک کەس نابێت ئاردی گەنمەشامی بەکار بهێنن چونکە هەستیارییان بە گەنمەشامی هەیە.

M.B