مریشك یەکێكە لە باوترین خواردنەکان زۆر کەس ئارەزووی دەکەن، شێوازی زۆر هەیە بۆ ئامادەکردنی، لێرەدا باسی ئاسانترین رێگە دەکەین بۆ ئامادەکردنی مریشک بە فرن.

کەرەستەکانی:

مریشکێک.

نیو کوپ زەیتی زەیتوون.

سیری وشککراو.

نیو کەوچک بەهاراتی تێکەڵاو.

خوێ و بیبەری ڕەش بەپێی پێویست.

دوو پیاز.

یەک تەماتە.

دوو پەتاتە.

نیو کوپ ئاوی لیمۆ.

ئامادەکردنەکەی:

١. لەناو قاپێکی گەورەدا جگە لە مریشکەکە هەموو پێکهاتەکان دابنێ و تێکیان بدە.

٢.مریشکەکە تێکەڵ بە پێکهاتەکانی دیکەی بکە، بۆ ماوەی کاتژمێرێک دایبنێ.

٣. مریشکەکە و پێکهاتەکانی کە بکە ناو دەفرێک پاشان بیکە فڕنەکەوە بۆ ماوەی ٦٠ خولەک، تا مریشکەکە دەبرژێت دەبێت، پاشان بە گەرمی لەگەڵ برنج پێشکەشی بکە.