پسپۆڕێک باشترین کاتی بۆ خواردنی میوە خستووەتە روو میوە هەر کاتێک بخورێت سوودی هەیە بۆ جەستە، بەڵام زۆرینەی پسپۆڕەکان کۆکن لە سەر ئەوەی کە خواردنیان لە هەندێک کاتدا باشترە و له هەندێک کاتی تردا دروست وایە نەخورێن. کامەران رەسوڵ ژاژڵەیی پسپۆڕی زانستی خۆراک لە پەڕەی فەرمی خۆی لە فەیسبووک باشترین کاتی بۆ خواردنی میوە بەجۆرە دیاریکردووە:

١. باشترین کات بۆ خواردنی میوە بریتیە لە دوو کاتژمێر یان زیاتر پێش یان دوای ژەمە سەرکییەکان؛ بۆ نموونە کاتژمێر ١٠ بەیانی و سێی عەسر ، نۆی شەو ) چونکە ئەو کاتە جەستە پێویستی بە وزە و خۆراک هەیە و مرۆڤ هەست بە برسییەتی و بێهێزی دەکات

٢. راستەوخۆ دوای خواردنی ژەمەکان نابێت میوە بخورێت چونکە ڕەنگە ببێتە هۆی ئاوسانی سک ، قرقێنە ، دڵەکزێ .

٣. لەگەڵ ژەمە سەرەکیەکان نابێت میوە بخورێت، چونکە مرۆڤ بێ ئەوەی بە خۆی بزانێت بڕێکی زیاتر کالۆری دەچێتە جەستەیەوە و دەبێتە هۆی زۆری کێش و قەڵەوی .

٤. شەوان پێش نووستن بە دوو کاتژمێر دروست وایە هیچ خۆراکێک نەخورێت، بەڵام ئەگەر ئەو کەسە زۆری برسی بوو یان ئارەزووی لە شیرینی بوو دەکرێت پارچەیەک کێوی یان لالەنگی ، یان نیو هەنار بخوات ، لە کیتۆ دایت سێ دەنک شلیک یان بلوبێری یان پارچەیەک ئەڤوگادۆ .

٥. میوەی وشککراو بڕێکی زیاتر وزەی تێدایە و خواردنی دروست نییە بۆ کەسانێک نەخۆشی شەکرەیان هەیە یان قەڵەون یان لە کاتی ڕێجیمدان .