گونجان یەکێکە لە بنەما گرنگەکان بۆ بەردەوامبوونی هاوسەرگیری یان دروست بوونی پەیوەندییەک.

لە ماڵپەڕی "بۆڵدسکای" لە بابەتێکدا، ئەو بورجانەی لەگەڵ یەکدا دەگونجێن بۆ هاوسەرگیری بڵاو دەکاتەوە، کە بەمشێوەیەن:

١. بورجی کاوڕ و بورجی تەرازوو، لەدایکبووانی بورجی کاوڕ دەیانەوێت ئەو کەسەی دەبێتە هاوسەریان خۆی زاڵ نەکات بەسەریاندا، کە ئەمەش لە تایبەتمەندی بورجی تەرازوو نییە، بۆیە دووانەیەکی گونجاو پێک دەهێنن.

٢. بورجی سەتڵ و بورجی گا، هەروەک چۆن لەدایکبووانی بورجی گا کەسانی بەسۆز و هەست ناسکن، بەلایانەوە خێزان هەموو شتێکە، بۆیە سەتڵیش هەمان بیرکردنەوەیان هەیە و دەیانەوێت کەسێکیش بدۆزنەوە وەک خۆیان گرنگی بە خێزان بدات.

٣. بورجی دووانە و بورجی کەوان، دووانە کەسانێکن بە ئاسانی دەتوانن پەیوەندی دروست بکەن و ببن بە هاوڕێت، هەروەها دەترسن لەوەی لە پەیوەندیەکدا ئازادیان لێ وەربگیرێتەوە، بۆیە بورجی کەوان کەسانی گونجاون بۆ بورجی دووانە، چونکە ئەوانیش دەیانەوێت ئازادی و سەربەخۆییان پارێزراو بێت.

٤. بورجی گا و بورجی دووپشك، بورجی دووپشک دەیانەوێت بچنە پەیوەندیەکی درێژخایەن و راست و دروست، بۆیە بورجی گا باشترینە بۆ هاوسەرگیری لەگەڵیاندا.

٥. بورجی نەهەنگ و بورجی قرژاڵ، نەهەنگ باشترین بژاردەیە بۆ بورجی قرژاڵ، بەو پێیەی وەک ئەوان لە ناخەوە هەست بە خۆشەویستی راستەقینە دەکەن، کاتێکیش بەیەک دەگەن پەیوەندیەکی درێژ خایەن لە نێوانیاندا دروست دەبێت.