چەوری دەورووبەری ورگ یەکێکە لە نیشانەکانی هەبوونی بڕێکی زۆر لە چەوری جەستە، چەند هۆکارێک وا دەکەن کۆبوونەوەی چەوری لە ورگدا رووبدات.

دکتۆر کامەران رەسوڵ ژاژڵەیی پسپۆڕی زانستی خۆراک چەند خواردن و خواردنەوەیەک دیاری دەکات کە باش و خراپ کار لە چەوری ورگ دەکەن، بەم شێوەیە:

١.خواردنی خۆراکی کەم کالۆری و تەندروست، ژەمی بەیانی نانی جۆ یان گەنمەشامی و شۆفان بخۆ لە بری نان و سەموونی ئاردی سپی.

٢. خواردنی بڕی پێویست لە سەوزە و میوەی فرێش و کالۆری کەم لە نێوان ژەمەکان لەگەڵ خواردنی قاپێک زەڵاتە چارەکێک پێش ژەمی نیوەڕۆ و ئێوارە.

٣. خواردنی ماسی بەتایبەت ماسی سەلەمون و سەردین کە دەوڵەمەندن بە ئۆمێگا سێ.

٤. بەکارهێنانی سرکەی سێو و زەنجەفیل و بیبەری تون و بەهارات لە ناو زەڵاتە و کەمکردنەوەی بڕی خوێی چێشت.

٥. خواردنی پاقلەمەنیەکان هەفتەی چەند جارێک .

٦. خواردنەوەی چا و قاوەی سەوز بەڵام بە تاڵی و بێ شەکر.

٧. وازهێنان لەو خۆراکانەی چەوری ورگ زیاد دەکەن وەک شیرینی و شەکری دەستکرد، خواردنەوە گازییەکان و کحولییەکان، فاست فوود، ساردەمەنی، ئاردی سپی و برنجی سپی.

٨. خواردنەوەی بڕێکی پێویست لە ئاو ڕۆژانە لەگەڵ دوو پەرداخ ئاوی گەرم بە سکی ناشتا و خواردنەوەی پەرداخێک یان زیاتر نیو سەعات پێش ژەمە سەرەکیەکان .