بۆنی
دەم پەیوەندیەکی ڕاستەوخۆی هەیە بە جۆر و پێکهاتەی ئەو خواردنەی کە دەیخۆیت و چالاکی کرداری هەرس و پاک ڕاگرتنی
دەم و ددان، بۆ نموونە شوشتنی دەم و ددان پێش خەوتن و بەیانیان و غەرغەرەکردن بە
ئاو خوێ یاخود ماددەی تایبەت.
بەڵام
زۆربەی کات مرۆڤ هەست بە تامێکی تاڵ یاخود تامی ئاسن لە دەمیدا دەکات، هۆکاری ئەم
تامە لە زۆربەی حاڵەتەکاندا ئاساییە و هیچ پێویست بە دڵەڕاوکێ ناکات، زۆر هۆکار
هەن بۆ تاڵی ناو دەم گرنگترینیان
بریتین لە:
١. فشار، قەلەقی و ماندوێتی.
٢. خواردنەوە کحولیەکان و جگەرەکێشان.
٣. بەکارهێنانی
دەرمان وەک ئەنتی بایۆتیک.
٤. بەساڵداچوون
و کەمبونەوەی لیکەڕژێنەکان.
٥.
وشکبونەوەی ناوپۆشی دەم هۆکارێکی ترن بۆ دروست بوونی تاڵی دەم لە بەیانیاندا ئەمەش
بەهۆی هەناسەدان بەڕێگەی دەم لە شەودا و کردنەوەی دەم و پرخاندن.
٦. ئەوکەسانەی
چارەسەری کیمیای وەردەگرن.
٧. ئەوکەسانەی
نەخۆشی شەکرەیان هەیە زۆرتر هەست بەم حاڵەتە دەکەن.
لەبەرئەمە
پێویستە کە تاڵ بوونی دەم بۆ ماوەیەکی درێژ هیچ پشتگوێ نەخرێت و سەردانی دکتۆر
بکرێت، هەروەها تامی ئاسن ئەویش هۆکارەکەی ئەگەڕێتەوە بۆ بوونی برین یاخود هەوکردنی
پووک و ددان، لەبەر ئەوە زۆر پێویستە کە دەم و ددانەکان پاکو خاوێن رابگیرێن.
ئامادەکردنی/ سۆنا عوسمان