خانمە هونەرمەندی
گۆرانیبێژ نازدار جزیری بەبۆنەی جەژنی رەمەزانەوە نوێترین ڤیدیۆ کلیپی خۆی لە
چەناڵی یوتیوبەکەی بڵاوکردەوە.
"نابێ ئازیزم
نابێ" نوێترین کاری هونەریی نازدار جزیرییە و بە زاراوەی سۆرانی وتوویەتی،
ئاواز و هۆنراوەی فۆلکلۆرە و سیامەک فەقێ زادە کاری موزیکی بۆ کردووە، دەرهێنانی رەیان شیلازییە.
نازدار رایگەیاندووە،
ئەم بەرهەمەی بەبۆنەی جەژنی رەمەزانەوە بڵاوکردووەتەوە و وەک دیاری ئەم جەژنە
پێشکەشی هەوادارەکانی کردووە.
نازدار له ساڵ ١٩٨٧ له جزیره‌ی بۆتان له باکوری
کوردستان له دایکبووە، لە تەمەنی شه‌ش ساڵی لەگەڵ خێزانەکەی کوردستانی بەجێهێشتووە
و لە وڵاتی ئەڵمانیا نیشتەجێبوون، چەندین بەرهەم و کلیپی تایبەت بەخۆیەتی، لە زانکۆی
ئەلمانیا بەشی دەروونناسی تەواو کردووە، لە ساڵی ٢٠١٣ ژیانی هاوسەریی پێکهێناوە و
خاوەنی کچێکە بە ناوی کانی.
ئ.ل