کەناڵێکی کوەیتی بەشێوەیەکی تاقیکاریی بۆ خوێندنەوەی هەواڵەکان بێژەرێکی زیرەکی
دەستکرد دەستبەکاردەکات.
بەپێی هەواڵێکی ماڵپەڕی سکای نیوز عەرەبی، بێژەرەکە ناوی"فیزە"یە
و کەناڵی کوەیتی"کوەیت نیوز" لە تویتێکیدا لە تۆڕی کۆمەڵایەتی تویتەر گرتەڤیدیۆیی
ئەو بێژەرەی بڵاوکردووەتەوە کە بە زیرەکی دەستکرد کار دەکات.
لە گرتەڤیدیۆکەدا، بێژەرەکە کراسێکی سپی و چاکەتێکی ڕەشی لەبەردایە دەڵێت،"
من فیزەم یەکەم بێژەرم لە کویەت کە بە زیرەکی دەستکرد کاربکەم لە دامەزراوەی کوەیت
نیوزی ریکلامی، حەزتان بە چ جۆرە هەواڵێکە پێشکەشتان بکرێت لەڕێگەی هاوپیشە نوێیەکەمان"فیزە"؟
هاوکات، بەهۆی بەڵاوکردنەوەی ئەو ڤیدیۆیەوە بووە جێی سەرنجی تۆڕە کۆمەڵایەتییەکان
و کاردانەوەی زۆربەی میدیا عەرەبییەکانی لێکەوتەوە.
ر.ئ