رۆژووەوانان هەمیشە لە کاتی بەربانگ کردنەوەدا و لە دوای نان خواردن هەست بە ئازاری گەدە و گرژبوونی ریخۆڵە و تەمبەڵی دەکەن، ئارەزوو دەکەن دوای نانخواردن پاڵبکەون و بخەون، کە دەکرێت بە کۆمەڵێک رێگەی دروست خۆیان لەو گرفتانە رزگار بکەن.

ماڵپەڕی لەیالینای لوبنانی لە بابەتێکی تەندروستیدا کۆمەڵێک رێگەی خستووەتە ڕوو بۆ ئەوەی رۆژووەوانان لەکاتی بەربانگدا هەست بە تەمبەڵی و ئازاری گەدە و ریخۆڵە نەکەن، ئەوانیش:

یەکەم: سەرەتا بە خواردنی دەنکێک خورما و خواردنەوەی ئاو یان دۆ یان ماستاو دەستپێبکە.

دووەم: دەست بکە بە نوێژی ئێوارە، یان ماوەیەکی کەم حەوانەوە بە گەدەت بدە.

سێیەم: دوای دەستبکە بە خواردنی نانی ئێوارە ئەویش، سەرەتا شۆربا بخۆ دوای چارەکێک خواردنەکانی تر بخۆ.

چوارەم: بڕی خواردنی چەور و سورەکراو کەمبکەرەوە.

پێنجەم: بڕی خواردنی سوێر و شیرین کەمبکەرەوە.

شەشەم: گۆشتی کەم چەوری یان ماسی و برنجی بۆر بخۆ.

حەوتەم: بە بڕی یەکسان سەوزە بخۆ.

هەشتەم: بەهێواشی نانەکەت بخۆ و پەلە پەل مەکە بۆ ئەوەی زیان بە کرداری هەرست نەگەیەنیت و کێش زیاد نەکات.

ئ.ل