بەشێک لە رۆژووەوان لە دوای بەربانگ کردنەوە و خواردنی
نانی ئێوارە لە مانگی رەمەزاندا، هەست بە خەواڵووی دەکەن و ئارەزوو دەکەن پاڵبکەون
و بخەون، بەبێ ئەوەی هەستبکەن ئەم کارە زیان بە تەندروستییان دەگەیەنێت.
ماڵپەڕی سەیدەتی ئیماراتی لە بابەتێکی تەندروستیدا، هۆکارەکانی
هەستکردن بە خەواڵووی لە دوای بەربانگ بەمجۆرە خستووەتە ڕوو:
یەکەم: بڕێکی زۆر لەو خۆراکانەی دەوڵەمەندن بە کاربۆهیدرات
و پڕۆتین بخورێن،هەستی شەکەتی و خواڵووی زیاد دەکەن.
دووەم: زۆر خواردنی شیرینی و خواردنە قورسەکان لە ئێواراندا.
سێیەم: شەونخونی و نەخەوتن تاکو پارشێو.
ماڵپەڕەکە کۆمەڵێک رێنمایی ئاشکراکردووە کە هەستی خەواڵووی
لە دوای بەربانگ و خواردنی نانی ئێوارە ناهێڵێت، ئەوانیش:
یەکەم: ژەمی بەربانگ بکرێت بە دوو بەشەوە بۆ ئەوەی یارمەتی
کرداری هەرس بدات بە باشی خواردنەکان هەرس بکات، سەرەتا دەنکێک خورما و پەرداخێک
ئاو بخۆرەوە، دواتر شۆربا و زەڵاتە، لە خواردن بوەستە و دەست بکە بە نوێژکردن لە
دوای ١٥ خولەک خواردنی سەرەکی بخۆ.
دووەم: لە نانی ئێوارەدا سەوزە بوونی هەبێت هەستی تێریی
زیاد دەکات و کرداری هەرس باش دەکات.
سێیەم: ناوبەناو ئاو بخورێتەوە، بۆ ئەوەی جەستە وشک نەبێتەوە.
چوارەم: تا ئەو ئاستەی دەتوانیت خۆت لە خواردنی شەکر و
نان و شیرینی بەدوربگرە.
پێنجەم: ئەوەی لە هەمووی گرنگترە لە دوای خواردنی نانی ئێوارە
نەخەویت بۆ ئەوەی هەستی خەواڵوویت زیاتر نەبێت.
شەشەم: نیو کاتژمێر دوای خواردنی نانی ئێوارە، چا و قاوە
بخۆرەوە.