کاتژمێرەکەی ئیمانوێڵ
ماکرۆن سەرۆکی فەرەنسی بووتە جێیی رەخنە، بەوەی لە چاوپێکەوتنێکی تەلەفیزۆنیدا لە دەستی لادەبات و
زۆربەی کەس پێیان وایە ئەو کاتژمێرە دەستییە بەهاکەی زۆرە بۆیە ئەو کارەی کردووە.
بەپیی هەواڵێکی
ماڵپەڕی سکای نیوز، گرتەڤیدیۆیەکی ماکرۆنیان بڵاوکردەوەتەوە لە میانەی چاوپێکەوتنێکیدا،
ماکرۆن لەکاتی قسەکانیدا دەستەکانی دەجوڵینێت و کاتژمێرێکی لەدەستدایە، پاشان
دەستی دەخاتە ژێر مێزەکەوە و کاتژمێرکەی دەستی لادەبات.
وتەبێژی تایبەت بە ماکەرۆنیش
ئەو هەڵسوکەوتەی بۆ ئەوە گەڕاندووتەوە کە کاتژمێرەکە لەکاتی چاوپێکەوتنەکەدا
بریقەی داوەتەوە و ئەوەش وایکردووە کە لە دەستی لا بدات.
زۆرێکیش لە بەکارهێنەرانی
تۆڕە کۆمەڵایەتییەکانیش وای بۆ دەچن کە کاتژمێرکەی ماکرۆن بەهاکەی بە ٨٠ هەزار
یۆرۆ مەزەندە دەکرێت، بەڵام بەرپرسانی فەرەنسی بە میدیاکانیان راگەیاندووە کە نرخی
کاتژمێرەکە لە ٢،٤٠٠ یۆرۆ تێپەڕناکات.
ر.ئ