وێنە.. لە شارێکی عێراق ژنێک بە سکێک پێنج منداڵی بوو

PM:02:33:21/03/2023

3724 جار خوێندراوەتەوە

وەزارەتی تەندروستیی عێراق لە راگەیەنراوێکدا ئاشکرایکردووە، رۆژی سێ شەممەی رابردوو لە نەخۆشخانەیەکی شاری بەغداد ژنێک بە سکێک پێنج منداڵی بووە.

سەلام بەدری پزیشک و بەڕێوەبەری نەخۆشخانەی فاتمە زەهرا تایبەت بە ژنان و منداڵبوون کە سەر بە وەزارەتی تەندروسیی بەغدادە وتوویەتی "ژنەکە خەڵکی ناوچەکەیە و سێ کچ و دوو کوڕی بە سکێک بووە، دایک و منداڵەکان بەتەندروستییەکی باشەوە نەخۆشخانەیان بەجێهێشتووە".

شەیما محەمەد لامی سەرۆکی دەستەی پزیشکانی تایبەت بە ژنان و منداڵبوون رایگەیاندووە، ژنەکە تەمەنی لە بیستەکاندایە و سکەکەی لە قۆناغی نۆ مانگیدا بووە، بەهۆی ئازاری ژانی منداڵبوونەوە سەردانی نەخۆشخانەکەی کردووە، لە دوای پشکنین رەوانەی ژووری منداڵبوون کراوە و بە نەشتەرگەریی منداڵەکانی بووە، کە کێشیان لە نێوان ٨٠٠ بۆ هەزار و ٣٠٠ گرامدا بووە.
May be an image of 3 people, hospital and indoor
May be an image of 1 person and indoor

ئ.ل