هەموو کەسێکی پێویستی بە خۆشەویستی و گرنگیپێدان و رێزگرتن هەیە، بەو جۆرە گرفت و ناخۆشییەکانی ژیان تێدەپەڕێنێت، لەگەڵ ئەوەشدا دەبێت هەموو کەسێک خۆی خۆشبوێت و گرنگی بە جوانییەکانی دەرەوەشی بدات بەو هەنگاوانە دەبێتە کەسێکی سەرنجڕاکێش.

ماڵپەڕی هێڵسی شوتی بەریتانی کۆمەڵێک رێنمایی بۆ خانمان خستووەتە ڕوو لەپاڵ بڕوابەخۆبوون و گرنگیدان بە خوود گرنگی بە رووکاری دەرەوەشیان دەبن، بەو جۆرە دەبنە خانمێکی سەرنجڕاکێش:

یەکەم: گرنگی بە رۆتینی بەیانیانت بدە، وەک شۆردنی ددانەکان و روخسار و بەکارهێنانی سیرەم و کرێمی شێدارکەرەوە و مەساجکردنی روخسار.

دووەم: گرنگی بە خۆراک پێدانی روخسار بدە، وەک بەکارهێنانی کرێمی ڤیتامین سی بۆ روخسار و خواردنی میوەکانی وەک ترێ و شیلک و مزرەمەنییەکان وەک پرتەقاڵ.

سێیەم: بنبێخی سەرت بشێلە، گرنگی بە قژت بدە و زەیتە سروشتییەکانی بۆ بەکاربهێنە و رێگری لە وەرین و رووتانەوەی بگرە.

چوارەم: هەندێک چارەسەری جوانکاریی بەکاربهێنە، وەک تەقشیر و هایدرافایشەڵ کە هەموویان رۆڵیان هەیە لە پاککردنەوەی پێست و نەمانی خانە مردووەکانی روخسار و رەونەقبوونی روخسار.

ئ.ل