بەهۆی زۆر بەکارهێنانی ئامێرەکانی قژ خاوکردن و لولکردن و گۆڕینی رەنگی قژ کە مادەی کیمایی زیان بەخشیان تێدایە، قژ بێهێز دەبێت و سەری تاڵەکانی قژ توشی مخۆرەکە دەبێت.

ماڵپەڕی "سەیدەتی"، ڕێگایەکی سروشتی بە بەکارهێنانی هێلکە دەخاتەڕوو بۆ کەمکردنەوەی مخۆرەکەی قژ:

هێلکە بەهۆی هەبوونی بڕێکی باش لە ڤیتامین A وەک سەرچاوەیەکی باشی خۆراک دادەندرێت بۆ قژ و مخۆرەکەی قژ لەناودەبات.

شێوازی ئامادەکردن و بەکارهێنانی:

٢ سپێنەی هێلکە لەگەڵ ٢ کەوچک ئاوی لیمۆ تێکەڵبکە و لەگەڵ ڕۆنێکی سروشتی، و بە جوانی تێكەڵیان بکە.

لە دواییدا گیراوەکە بدە لە قژت و بۆ ماوەی ٤٠ خولەک پێوەی بهێڵەرەوە و ئینجا بە جوانی بە ئاو بیشۆ.

ئەم کردارە دەکرێت هەفتەی ١ جار دووبارە بکرێتەوە.