پرتەقاڵ یەکێکە لە
میوە زستانییەکان کە دەوڵەمەندە بە ڤیتامین C و ماددەی خۆراکی گرنگ کە بەسوودن
بۆ بەرزکردنەوەی بەرگریی جەستە بەتایبەت لە وەرزیی سەرمادا.
دکتۆر کامه‌ران رسوڵ
ژاژڵه‌یی پسپۆڕی زانستی خۆراک ئاماژەی بە گرنگترین سوودەکانی
خواردنی پرتەقاڵ کردوە کە بریتین لەمانە:
١ . بەهێزکردنی کۆئەندامی بەرگری لەش و خۆپاراستن لە پەتای وەرزی
و هەڵامەت و کەمکردنەوەی نیشانه‌کانی لە کاتی تووشبوون بە هۆی بوونی بڕێکی زۆر لە ڤیتامین سی و ماددە
دژە ئۆکسانەکان.
٢ . پاراستنی ته‌ندروستی چاو و به‌هێزکردنی بینین و خۆپاراستن له شه‌وکوێری
و نه‌خۆشی پوکانه‌وه‌ی هه‌ندێک خانه‌ی بیلبیله‌ی چاو له به‌ساڵاچووه‌کان دا:
چونکه دوڵەمەندە بە ڤیتامین ( A ).
٣ . خۆپاراستن له جه‌ڵته‌ی مێشک و نەخۆشیەکانی دڵ و نه‌خۆشی ته‌سک
بوونه‌وه‌ی خوێنبه‌ره‌کان له‌گه‌ڵ دابه‌زینی کولیستڕۆڵی خراپ له خوێن دا.
٤ . کەمکردنەوەی قه‌بزی و ڕێگه‌گرتن لێی و چالاککردن و پاککردنه‌وه‌ی
ڕێخۆڵه له مادده ژه‌هراوییه‌کان.
٥ . یارمه‌تی دابه‌زینی کێش ده‌دات له کاتی ڕێجیم له‌گه‌ڵ خۆپاراستن
لە قەڵەوی بەهۆی بوونی بڕێکی باش لە ماددە ڕیشاڵییەکان و کەمکردنەوەی ئارەزووی
خواردن و زوو برسی بوون.
٦ . یارمەتی کۆنتڕۆڵکردنی ئاستی شەکرەی خوێن دەدات بەهۆی
باشترکردنی کاردنەوەی جەستە بۆ هۆرمۆنی ئەنسۆلین و کەمکردنەوەی ئەگەری تووشبوون بە
نەخۆشی شەکرە.
٧ . پاراستنی ته‌ندروستی پێست و گه‌شبوونه‌وه‌ی و ڕێگریکردن لە دەرکەوتنی
چرچ و لۆچی و خاڵ و زیپکه و سیسی ده‌م و چاو و بەهێزکردنی مووەکانیقژ.
٨ . یارمەتی باشتر هەڵمژینی ماددەی
ئاسن دەدات، هەروەها بڕێکی باش لە فۆلیک ئەسیدی تێدایەکە گرنگە بۆ منداڵان و
خانمانی دووگیان.
٩ . یارمەتی خۆپاراستن له
چه‌ندین جۆری شێرپه‌نجه دەدات بە تایبەت شێرپەنجەی گەددە به‌هۆی دەوڵەمەندی بە
ماددە دژە ئۆکسانەکانەوە.