لەگەڵ دابەزینی
پلەکانی گەرما زۆرینەی کابانەکانی ماڵ گرنگی بە خواردنی کوردەواری و نۆکاو دەدەن،
کە بە سادە و بە جۆری جیاواز ئامادەی دەکەن، لێرەدا ئاماژە بە چۆنێتی ئامادەکردنی
نۆکاو بە لولاق دەکەین.
کەرەستەکانی:
لولاق بەپێی ئارەزوو
بۆک
سەلکێکی مامناوەند
پیاز
دوو دانە بیبەری تونی سەوز
دوو کەوچکی زەڵاتە
زەردەچەوە
خوێ
ئاوی کوڵاو
ئامادەکردنەکەی:
نۆکاوەکە و لولاقەکان
جوان بشۆرەوە و بیخەرە ناو بوخارەوە، سەلکە پیازەکە بەبێ ئەوەی بیجنیت لەگەڵ بیبەر
و زەردەچەوە و خوێ بکەرە ناو بوخارەکەوە و ئاوە گەرمەکەی تێبکە.
بەجوانی سەری قەپات
بکە و وازی لێبهێنە تاکو بە جوانی دەکوڵێت، دواتر لەگەل سەموون و سەوزە پێشکەشی
بکە.
بۆ ئەوانەی بوخار
بەکارناهێنێنن، سەرەتا لولاقەکان لە مەنجەڵێکدا خوێ و پیاز و ئاوی تێبکە و
بیکوڵێنە، بە هەمان شێوە نۆکەکە شەوەکەی بیخوسێنەوە و بۆ بەیانییەکەی بیکەرە سەر
ئاگر بەس ئاوی تێبکە.
دوای نەرمبوونی
نۆکەکان و کەمێک کوڵانی لولاقەکان پێکەوە لە مەنجەڵێکدا تێکەڵی بکە و بەهارات و
خوێ و پیازی جنراو و بیبەری هاڕڕاوی تێبکە، بۆ ماوەی ٣٠ بۆ ٤٠ خولەک لەسەر ئاگر
بێت، دواتر پێشکەشی بکە.
ئ.ل