بەهۆی زۆری بەرکەوتنی بە هەوای پیس و باش لێ نەکردنەوەی ماکیاژەوە، پیستی روخسار زوو تێکدەچێت و زیپکە و پەڵە و چرچی تێدا دەردەکەوێت، کە دەکرێت بە تەماتە چارەسەری بکەیت.

ماڵپەڕی لەیالینای لوبنانەی بۆ ئەو مەبەستە ئاماژەی بە شێوازی بەکارهێنانی تەماتە کردووە کە پێست جوان و بێ گرفت دەکات.

کەرەستەکانی:

تەماتەیەکی لە رەندە دراو

سێ کەوچکی گەورە شیری گیراوە

تەماتە و شیرەکە تێکەڵ بکە، سەرەتا روخسارت بشۆ و وشکی بکەرەوە دواتر پێکهاتەکەی لێبدە و دوای ١٠ خولەک بیشۆ.

دەتوانیت بۆ لێکردنەوەی پێستی مردوو و چەوری روخسار ئەم هەنگاوانە جێبەجێ بکەیت:

تەماتە لە رەندە دراوەکە و سێ کەوچکی گەورە شەکری وردە تێکەڵ بکە و بەشێوەی بازنەیی بیدە لە روخسارت و کەمێک مەساجی پێبکە، دواتر بە ئاوی ئاسایی روخسارت بشۆ، هەفتەی دووجار بەکاریبهێنە.

ئ.ل