تەپسی باینجان یەکێکە لە خواردنە بەتامەکان و ئامادەکردنی کاتی زۆری ناوێت،
دەتوانرێت بۆ نیوەڕوان و میوانی ئامادەی بکەیت.
پێداویستیەکان:
باینجان
پەتاتە
کولەکە
پیاز
سیر
تەماتە
ئاوی گۆشت
خوێ
بەهاراتی کەباب
زیرە
دۆشاو
دارچینی
کەرەوزی وشک یان تازە
زەیت
ئامادەکردنەکەی:
سەرەتا باینجانەکە قاش ده‌كرێت و ده‌خرێته ناو ئاوی گەرم و خوێی زبرەوە بۆ
ماوەی کاتژمێرێک، دواتر ده‌شۆردرێته‌وه و تەواو وشک ده‌كرێته‌وه، پاشان سوورده‌كرێته‌وه،
بەو شێوەیە زه‌یت كه‌متر هه‌ڵده‌مژێت و باشتره.
دواتر کەرەستەکانی تر سوردەکرێنەوە جگە لە تەماتەکە، لەناو تاوەیەکی قوڵدا چین
چین کەرەستەکان لەسەر یەک دادەنرێن و تەماتەکەی دەخرێتە سەری، کەمێک کەرەوز و بەهاراتەکان
لەگەڵ دۆشاوەکە و دارچینییەکە تێکەڵی ئاوی گۆشتەکە دەکرێت و دواتر دەکرێت بەسەر کەرەستەکاندا،
پاشان دەخرێتە فڕنەوە بۆماوەی ٣٠خوله‌ك، لەدوای هەڵچنینی ئاوەکەی و نەرمبوونی
لەگەڵ برنج پێشکەش دەکرێت.