مارەبڕینی دوو بچوکترین بوك و زاوا لە میسر هەرا و تووڕەیی بەدوای خۆیدا هێنا و رەخنەیەکی زۆر لە خێزانی هەردووکیان گیرا.

لە یەکێك لە گوندەکانی سەر بە پارێزگای شەرقیە لە میسر ئاهەنگی هاوسەرگیریی بۆ بچوکترین بوك و زاوا لە هەمان خێزان سازکرا.

بەگوێرەی ماڵپەڕی "العربیة"، بوکەکە تەمەنی ١٠ ساڵە و لە پۆلی چواری سەرەتاییدایدا، زاواکەش تەمەنی ١٢ ساڵە و لە پۆلی شەشی سەرەتاییدایە.

لەلای خۆیەوە دایکی بوکەکە وتی، ئەو مارەبڕینە لەسەر داواکاری باپیری بوکەکە بووە، بۆئەوەی پەیوەندیی خێزانیی و کار لە نێوان خێزانەکاندا دروست ببێت و زیاتر ببێت.

ئەوەشی روونکردەوە، ئەمە وەك کەلتورێکی خێزانەکە روودەدات، لە بچوکییەوە منداڵەکان نیشان دەکرێن و مارەدەبڕدرێن بەپێی دابونەریتی میسری، دوای گەیشتنیان بە تەمەنیی یاساییش بە فەرمی مارەبڕین و مەراسیمەکان ساز دەکرێت.

دوای بڵاوبوونەوەی ئەم هەواڵەش دەستەی نیشتیمانی منداڵان و دایکان بەخێرایی دەستیان لە بابەتەکە وەردا و بەڵێننامە بە دایك و باوکەکە پڕکرایەوە بە هەڵوەشاندنەوەی مارە کردنەکە و دانانی ئەو پرۆسەیە بۆ کاتێك کە دەگەن بە تەمەنیی یاسایی.