قاورمە یەکێکە لەو خواردنانەی خێرایە و بە ئاسانی ئامادە دەکرێت و تامێکی خۆشی هەیە، بۆ ژەمە سەرەکییەکان و منداڵ ئامادە دەکرێت.

کەرەستەکانی:

لەتکە نۆک

خوێ بەپێی ئارەزوو

کەوچکێک کاری

کەوچکێک ئاڵەتی رەش

کوپێک زەیت

ئاو بەپێی پێویست

ئامادەکردنەکەی:

سەرەتا لەتکە نۆکەکان بۆ ماوەی ١٢ کاتژمێر لەناو ئاودا بخوسێنەوە، دواتر ئاوەکەی بپاڵێوە و بیکەرە مەنجەڵێکەوە و کەمێک ئاو و کەوچکێک خوێی تێبکە و بیکەرە سەر ئاگرێکی مامناوەند.

دوای ئەوەی لەسەر ئاگر قوڵپێکی دا دایبگرە و دووبارە بیپاڵێوە، لەتکە نۆکەکان بخەرە ناو عەسارە و کەوپێک زەیت و کوپێک ئاو لەگەڵ کەوچکێکی زەڵاتە خوێ و بەهاراتەکانی تێبکە.

پێکهاتەکە بخەرە ناو تاوەیەکەوە ئەگەر زەیت و ئاوەکەی کەم بوو ئەوا کەمێکی تری بۆ زیاد بکە، لە دوای پێنج بۆ ١٠ خولەک لەسەر ئاگر دایبگرە و لەگەڵ سەموون و کەوەر و زەڵاتە و کاهو و تەماتە و خەیار پێشکەشی بۆ بکە.

ئ.ل