ترخێنە یەکێکە لە خواردنە فۆلکلۆرییەکان و زیاتر لە وەرزی زستان و لە کەشی بەرفدا ئامادە دەکرێت و دەخورێت کە گەرمیی و وزە بە لەش دەبەخشێت.

لێرەدا چۆنییەتی ئامادەکردنەکەی دەخەینە ڕوو:

کەرەستەکانی:

چەند دانەیەک لە سەلکی ترخێنە

بڕێک نۆک و فاسۆلیا و نیسکی خر

چەوەندەر بەپێی ئارەزوو

دوو کەوچک دۆشاو

گوێز

گۆشت بە پێی ئارەزوو

پیاز

رۆن

هەڵوژە و مێوژی وشککراو

خوێ و ئاو

چۆنێتی ئامادەکردنەکەی:

سەرەتا لە مەنجەڵێکدا ڕۆن وپیازەکەی تێدا دەقرچێنین.

مەنجەڵێک دەهێنین و رۆن و پیازەکەی تێدا دەقرچێنین.

دواتر هەموو کەرەستەکانی تێدەکەین لەگەڵ بڕێک ئاو لە مەنجەڵی هەڵمدا "بوخار" تاوەکو بەجوانی دەکوڵێت.

یان سەرەتا گۆشتەکە بکوڵێنە و هەریەکە لە نۆک و نیسک و فاسۆلیا و چەوەندەرەکە بە جیا بکوڵێنە، پاشان ترخێنەکەش بە جیا لە دەفرێکی گەورەدا بکوڵێنە و دواتر هەموو کەرەستەکانی تر کە کوڵاندوتن بیخەرە ناوی لەگەڵ دۆشا و خوێ و هەڵوأە و مێوژەکەدا لەدوایی نیو کاتژمێر یان تا کاتی خەستبوونەوەی لەسەر ئاگر بێت و دواتر دایبگرە و بە گەرمی پێشکەشیبکە.