دوای ٢٠ رۆژ لە دواکەوتنی لیستی مووچە حکومەتی کاربەڕێکەر سیستمی پەیرۆڵی کارا کرد
دوای ٢٠ رۆژ لە دواکەوتنی، حکومەتی کاربەڕێکەر سیستمی پەیرۆڵی کارا کرد و سەرجەم وەزارەتەکانی راسپاردووە دەست بە ئامادەکردنی لیستی مووچەی مانگی پێنج بکەن، ئەوەش لە کاتێکدایە، تا ئێستا نیوەی داهاتی ناوخۆی مانگی چواری رادەستی بەغدا نەکردووە.
دوای بڵاوبوونەوەی ئەو گرتە ڤیدیۆیەی کە هاوڵاتیەکی سنووری شارەزوور لەلایەن پێنج کەسەوە هێرشی دەکرێتە سەر، هاوڵاتیەکە وردەکاری رووداوەکەی بۆ ئێن ئاڕ تی باسکرد و دەڵێت، تۆمەتبارەکان دەناسێت و هەر ئەو شەوە سکاڵای یاسایی لەسەر تۆمارکردوون و ئێستاش هەڕەشەی لێدەکەن کە لە سکاڵاکەی بکشێتەوە.
کەشناسی هەرێم دەڵێت، کەشوهەوای ئەمڕۆ ئاسمان ساماڵ و پەڵەهەور دەبێت، لەگەڵ بوونی تۆزێکی سووک کە لە ناوچەکانی باشووری هەرێم کاریگەری زیاتر دەبێت، پلەکان گەرماش بە بەراورد بە دوێنێ نزم دەبنەوە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوتی برێنت لە بازاڕەکانی جیهاندا بە ٦٥ دۆلار و ٣٣ سەنت مامەڵەی پێوەکرا و بەراورد بە دوێنێ نرخەکەی کەمێک بەرزبووەوە.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٢١٧ دۆلار مامەڵەی پێوەکرا و نرخەکەی بەراورد بە دوێنێ نزیکەی ٢ دۆلار بەرزبووەوە و نرخی مسقاڵێک زێڕی عەیارە ٢١ـیش بە ٦٥٣ هەزار دینار مامەڵەی پێوەدەکرێت.
توێژینەوەیەکی ئەم دواییە ئاشکرایکردووە کە خواردنەوە وزەبەخشەکان ئەگەری تووشبوون بە شێرپەنجەی خوێن زیاد دەکات.
بازرگانی بەناوبانگی ئەمریکی ئیلۆن مەسک ڕایگەیاندووە، ڕۆبۆتەکان گۆڕانکارییەکی گەورەی ئابووری دروست دەکەن.
بەرپرسی هەڵبژاردنی یەکێتی لە کەرکوک وتی، بۆ کورد وا باشترە لە کەرکوک و ناوچە دابڕێندراوەکان بە سێ لیست بەشداری هەڵبژاردن بکات. وتیشی، هەوڵی یەک لیستییان لەگەڵ پارتی لەسەر بنەمای عاتیفەی نەتەوەیی لە جێی خۆی نەبووە.
بەڕێوەبەری ناحیەیی رۆڤیا رایگەیاند، لە کاتی کارکردن لە پڕۆژەی جووتسایدی رۆڤیا گۆڕێک کە ئێسک و پروسکی تێدایە دۆزراوتەوە و کارکردن لەو پارەچەیە وەستاوە.
پەیامنێری ئێن ئاڕ تی رایگەیاند، بۆری ئاوی ئیفرازی سێ لەنزیك گوندی دارەبەن شکاوە و چەندین گەڕەک بەهۆی ئەوەوە بێ ئاو دەبن.
دوای ئەوەی سەرۆکی روسیا پەیوەندییەکی لەگەڵ سەرۆکی ئەمریکا ئەنجامدا رایگەیاند، ئەگەری هەیە لەگەڵ ئۆکرانیا رێکبکەون و ئاگربەست ئەنجامبدەن و وتیشی، نەهێشتنی رەگ و ریشەی ململانێی نێوان روسیا و ئۆکرانیا بۆ بەدیهێنانی ئەم کارە زۆر گرنگە.
وتەبێژی وەزارەتی کشتوکاڵ رایگەیاند، داوایان لە بەغدا کردووە لە وەرگرتنی گەنم جیاوازی لەگەڵ جوتیارانی هەرێم و بەغدا نەکرێت و بڕیاریان داوە بنەتۆو بە نرخی پاڵپشتیکراو بۆ جوتیاران دابین بکەن
وەزیری دارایی عێراق رایگەیاند، بە پشتبەستن بە رێنماییەکانی ئەنجومەنی وەزیران گرێبەستی لەگەڵ کۆمپانیای ئێرنست ئەند یۆنگ کردووە بۆ هەڵسەنگاندنی کاری کۆمپانیاکانی بیمەی حکومی.
بەهۆی تاقیكردنەوەكانی قۆناغی ناوەندییەوە، سبەینێ دوو كاتژمێر هێڵەكانی ئینتەرنێت لە تەواوی عێراق رادەگیرێن.
کارەبای سلێمانی دەڵێت، نرخی کارەبا لەو ماڵانەی کە کارەبای ٢٤ کاتژمێرییان هەبووە لەنێوان ٢٥ بۆ ٥٠ هەزار دینار بووە، ئەمەش لەم وەرزی بەهارەدا و بە داشکاندنی لەسەدا ٥٠ـشەوە.
لە گوندێکی سنووری شارەزوور تەرمی کەسێک دۆزرایەوە و چاوگێکیش لە نەخۆشخانەی شەهید رەوف بەگ بە ئێن ئاڕ تی وت، شوێنەواری فیشەک بە سەرییەوە بووە.
شاندێکی یۆنامی سەردانی ئۆفیسی نەوەی نوێی لە هەولێر کرد، نەوەی نوێش دەڵێت، باسیان لە دۆخی سیاسیی هەرێم کردووە و خراپیی دۆخی هاوڵاتیانیشیان گەیاندووەتە شاندەکەی یۆنامی.
بەڕێوەبەرایەتی هاتووچۆی هەرێم رایگەیاند، ماتۆڕسواران بەپێی جۆری سەرپێچییەکەیان سزا دەدرێن و هەر ماتۆڕسوارێک لە ترافیکلایتەکان نەوەستێت سزای ماددی دەدرێت.
ئه‌ندامێکی مه‌كته‌بی سیاسی یه‌كێتی دەڵێت، له‌گه‌ڵ پارتیدا به‌رده‌وامن له گفتوگۆكردن و هیوادارن حكومه‌تێكی به‌هێز دروستبكرێت.
ئەندامی وه‌فدى ئیمراڵی رایگەیاند، ئۆجەلان دڵخۆشە بەو پێشکەوتنانەی لە پرۆسەکەدا بەدەستهاتوون، هیچ كێشەیەك لە ئارادانیە و کۆبونەوەکەمان زۆرباش بوو.
کۆمسیۆنی هەڵبژاردنەکانی عێراق تاکو ١٥ـی حوزەیران پرۆسەی ماوەی دەرهێنان و نوێکردنەوەی تۆماری دەنگدەرانی درێژکردەوە.
بڕیار بوو ئەمڕۆ دەست بە ئامادەکردنی لیستی مووچە بکرێت، بەڵام حکومەتی کاربەڕێکەر تا ئێستا سیستمی پەیرۆڵی کارا نەکردووە و دەستنەکراوە بە ئامادەکردنی لیستی مووچەی مانگی پێنج.
بەڕێوەبەرایەتیی ئاوی سلێمانی رایگەیاند، لەسەرەتای وەرزی بارانبارینی ئەمساڵ تا ئێستا ٣٥٠.٣ ملم باران لە سنووری سلێمانی باریوە.
کۆمسیۆنی باڵای سەربەخۆی هەڵبژاردنەکانی عێراق، پێكهێنانی لیژنەی باڵای ئاسایش بۆ هەڵبژاردنەکانی داهاتووی رایگەیاند كە جێگری فەرماندەی ئۆپەراسیۆنە هاوبەشەکان سەرۆكایەتی دەكات و كۆمسیۆنیش بەشێك دەبێت لە لیژنەكە.
دوای بڵاوبوونەوەی دەنگۆی گیانلەدەستدانی یەکەم حاجی کورد لە سعودیە، وتەبێژی حەج و عومرەی هەرێم وتی، هیچ حاجییەک گیانی لەدەستنەداوە و هەموو حاجییانی هەرێم سەلامەتن.
نوسینگەی سەرۆک وەزیرانی ئیسرائیل بڵاویکردەوە، رێگە بە چوونە ناوەوەی هاوکارییە مرۆییەکان دەدەن بۆ ناو کەرتی غەززە، حەماسیش دەڵێت، رازیبوون شەش بارمتە ئازاد بکەن لەبەرامبەر ئازادکردنی ٣٠٠ زیندانی فەلەستینی لەلایەن ئیسرائیلەوە.
بەرەبەیانی ئەمڕۆ یەکەم کاروانی حاجییانی هەرێمی کوردستان بەرەو سعودیە بەڕێ کەوتن کە ژمارەیان ١٤٤ کەس بوون و وەزیری ئەوقاف و کاروباری ئایینیش دەڵێت، "رێکارەکانمان توند کردووە و کەس ناتوانێت حەجی نایاسایی بکات".
نرخی دۆلار ئەمڕۆ لە بازاڕەکانی هەرێم ١٠٠ دۆلار بە ١٤٢ هەزار و ٣٠٠ دینار مامەڵەی پێوەکرا، ئەوەش بەراورد بە چەند رۆژی رابردوو ١٥٠ دینار لە نرخەکەی دابەزیوە.
وەزارەتی بازرگانی عێراق دەستی بەسەر بڕێکی زۆری بە شەخۆراکی مانگانەدا گرت کە لە بازاڕەکاندا بە نرخی بازرگانی دەفرۆشرانەوە.
ئەمڕۆ دووشەممە ١٩ی ئایاری ٢٠٢٥، عەبدوڵا ئۆجەلان، سەرکردەی زیندانیکراوی پە*کە*کە وتیشی، کار دەکەن بۆ پوچەڵکردنەوەی ئەو ئاستەنگانەی پەیوەندی کورد و تورک تێکدەدەن.