کەسوکاری کوژراوێک لە سلێمانى دژی دەستگیرنەکردنی بکوژی کوڕەکەیان گردبوونەوە
کەسوکاری کوژراوێک لە سلێمانى دژی دەستگیرنەکردنی بکوژی کوڕەکەیان گردبوونەوە و دەڵێن، دوای ئەوەی کوڕەکەیان لەلایەن چەند کەسێکەوە کوژراوە دوای شەش مانگ هەمان ئەو کەسانە هەڵیانکوتاوەتە سەر ماڵی برایەکی کوژراوەکە و لە بەرچاوی خێزانەکەیدا هەردوو قاچیان شکاندووە.
دوای بەرزبوونەوەی بەرچاوی دۆلار بەهۆی دەستپێکی شەڕەکانی ئیسرائیل و ئێرانەوە، ئەمڕۆ ١٠٠ دۆلار بەرامبەر بە ١٤١ هەزار دینار لە بازاڕەکانی هەرێمدا مامەڵەی پێوەدەکرێت.
سەرۆک وەزیرانی عێراق دەڵێت، دوای تەوابوونی پڕۆژەی پاڵاوگەكان لە میسان، دیوانیە و نەجەف بەرەو هەناردەكردنی بەرهەمە نەوتییەكان دەڕۆن و دەشڵێت، ئەمساڵ هاوردەكردنی بەنزین كۆتایی دێت.
بەشێکی هاوڵاتییان لە سلێمانی دژی داگیرکردنی زەوییەکانیان لەلایەن پڕۆژەیەکی نیشتەجێبوونەوە گردبوونەوە و خاوەن زەوییەکان دەڵێن، لەبری ئەوەى حکومەت زەویەکانیان بۆ تاپۆ بکات داویەتی بە کۆمپانیایەک بۆ دروستکردنى پرۆژەی نیشتەجێبوون.
وەزارەتی پەروەردەی هەرێم بڕیاریدا بە پێدانی پێنج نمرەی بڕیار بۆ خوێندکارانی قۆناغی نۆـی بنەڕەتی کە تاقیکردنەوەی خولی دووەمیان ئەنجامداوە.
بەڕێوەبەرایەتی تەندروستی چەمچەماڵ دەڵێت، کەمێک پێش ئێستا بەهۆى رووداوێکى هاتووچۆوە لەسەر رێگاى سلێمانى ـ چەمچەماڵ لە نزیک بانى مەقان، دوو کەس گیانیان لەدەستدا و کەسێکی دیکەش برینداربوو.
پۆلیسی دارستان و ژینگەی سلێمانی دەڵێت، سێ سەرپێچیکار دەستگیرکران کە بە بەکارهێنانی تەزووی کارەبا لەسەر چەمی باسەڕە راوی ماسییان کردووە و دەشڵێت، بەهەموو شێوەیەک رێگری لەوکەسانە دەکرێت کە بە بەکارهێنانی ماددە قەدەغەکراوەکانی وەک ژەهر، تەزووی کارەبا و تەقەمەنی راوی ماسی دەکەن.
پەیامنێری ئێن ئاڕ تی دەڵێت، درەنگانی شەوی رابردوو بەهۆی رووداوێکی هاتوچۆوە لە نێوان دوو ماتۆڕسیکیل لە سنووری دووبز دوو برا گیانیان لەدەستدا و کەسێکی دیکەش بە سەختی بریندار بوو.
شاندێکی حكومەتی ماوەبەسەرچوو گەیشتنە بەغدا بۆ گفتوگۆكردن لەسەر رەشنوسی كۆتایی رێككەوتنی نێوان هەرێم و بەغدا كە چاوەڕوان دەكرێت ئەمڕۆ كۆتایی بێت و رێكبكەون، بەپێی زانیارییەکانیش شاندەکەی حکومەتی ماوەبەسەرچوو بڕیارە کاتژمێر ١١ـی پێشنیوەڕۆ لەگەڵ ئیحسان عەوادی، بەرپرسی نوسینگەی سەرۆک وەزیرانی عێراق کۆببێتەوە.
وەزارەتی خوێندنی باڵاو توێژینەوەی زانستی دەڵێت، ١٥ـی تەمموز پڕۆسەی گواستنەوە و دابەزینی خوێندکاران لە نێوان زانکۆکان بە ئەلیکترۆنى دەستپێدەکات.
کەشناسی هەرێم دەڵێت، کەشی ئاسمان بە گشتی ساماڵ دەبێت و خێرای با لەسەر خۆ و مامناوەند دەبێت، پلەکانی گەرماش نزیک دەبێتەوە لە تۆمارکراوەکانی دوێنێ.
بەڕێوەبەرایەتی گشتی کارەبای سلێمانی دەڵێت، بەهۆی ئەو بایەوە كە لە دوێنێ شەوەوە سنووری پارێزگای سلێمانی گرتووەتەوە زیان بە تۆڕەكانی كەوتووە و چەند گەڕەك و ناوچەیەك كارەباكەیان كوژاوەتەوە.
چەند رۆژێکە لافاو و بایەکی بەهێز بەشێک لە ناوچەکانی ناوەراستی ویلایەتی تەکساسی ئەمریکای گرتووەتەوە و بەهۆیەوە تا ئێستا ٨٢ کەس گیانیان لە دەستداوە و ژمارەی قوربانیانیش تا دێت زیاتر دەبێت.
بانکی رەشید قەرز بەوکەسانە دەدات کە سیستەمی سۆلار (بەرهەمهێنانی کارەبا لە وزەی خۆر) دەکڕن و دەشڵێت، پارەکە راستەوخۆ لەلایەن بانکی ناوەندی عێراقەوە دەدرێت کە زۆرترین بڕی ٣٠ ملیۆن دینارە.
ماددە خۆراکییەکان رۆڵێکی گرنگ دەبینن لە تەندوست هێشتنەوەی جەستە، یەکێکیش لەوانە ڤیتامینA یە کە پەرە بە گەشەیەکی باش دەدات و چەندین سوودی تریشی هەیە.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٠٧ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١یـش بە ٦٥٤ هەزار دینارە.
دوای هەوڵەکانی رێکخراوی ئۆپیک پلەس بۆ زیادکردنی بڕی هەناردەی نەوت نرخەکەی لە بازاڕە جیهانییەکاندا رووی لە دابەزین کردووە، ئەمڕۆ نرخی بەرمیلێک نەوتی خاوی برێنت بە ٦٧ دۆلار و ٩٩ سەنت مامەڵەی پێوەدەکرێت و بەراورد بە دوێنێ نرخەکەی زیاتر لە یەک دۆلار دابەزی.
وەزارەتی كشتوكاڵی عێراق دەڵێت، زیادكردنی پشكی ئاوی عێراق لەلایەن توركیاوە رێگەخۆشكەرە بۆ فراوانكردنی رووبەرە كشتوكاڵییەكانی عێراق.
بەپێی زانیارییەکان، حکومەتی عێراق و هەرێم سەرقاڵی ئامادەکردنی رەشنووسێکی هاوبەشن تاوەکوو رۆژی سێشەممە لە ئەنجومەنی وەزیرانی عێراق بخرێتە بەردەم سودانی، چاوگێکیش لە حکومەتی عێراق دەڵێت، ئەگەر هەرێم نەوت رادەستبکات، لە پاڵ ناردنی مووچە نەوتی سپی و بەنزینیش بە نرخی پاڵپشتیکراو بۆ هەرێم دابین دەکەن.
پۆلیسی كه‌ركوك دەڵێت، ئه‌و كه‌سه‌ی كه هێرشیكرده سه‌ر خاوه‌نی مۆلیده‌ی ئه‌هلی له شاری كه‌ركوك لەگەڵ هاوكارەكەی له‌لایه‌ن هێزه‌كانیانه‌وه ده‌ستگیركرا و له‌ئێستاشدا لێپرسینه‌وه‌ی له‌گه‌ڵ دەکرێت.
هاتووچۆى عێراق دەڵێت، لە رێگەى ئەپڵیکەیشنێکەوە شۆفێران دەتوانن، لە چۆنێتى سزاکانیان ئاگاداربن و هەر لە رێگەى ئەو ئەپڵیکەیشنەوە دەتوانن سزاى پێ بژاردنەکانیان بدەن.
دوای كۆبوونه‌وه‌یان له‌گه‌ڵ عه‌بدوڵا ئۆجه‌لان، شاندی ئیمراڵی دەڵێن، دۆخی ته‌ندروستی باش بووه، دەشڵێن، ئۆجەلان له گفتوگۆكاندا جه‌ختی له‌وه كردووه‌ته‌وه پڕۆسه‌ی ئاشتیی ده‌چێته قۆناغێكی نوێوه.
جێگری سەرۆكی پەرلەمانی عێراق دەڵێت، چارەسەرکردنی کێشەی مووچەی فەرمانبەرانی هەرێمی کوردستان ئامانجی سەرەکی سەردانی سەرۆکی پەرلەمانی عێراق بوو. دەشڵێت، گفتووگۆکان قۆناغی زۆر باشیان بڕیوە و سبەی لەبەغدا کۆبوونەوەکان بەردەوام دەبێت.
تاقیكردنەوەكانی پۆلی ١٢ـی ئامادەیی كۆتایی هات، بڕیاریشە لەم هەفتەیە ئەنجامی تاقیكردنەوەكان بڵاوبكرێتەوە، قوتابیانیش وەڵامی ٣٥٠ پرسیاریان داوەتەوە.
هاتووچۆى هەولێر روونکردنەوە لەبارەى سوڕانەوەى شەقامى ٤٠ مەترى نزیک شارى خەونەکان دەدات و دەڵێت، ئەو بارهەڵگرانەى هێڵى سوڕانەوە دەبەزێنن سزا نادرێن.
ئەمڕۆ شاندی دەم پارتی و ئۆجەلان لە ئیمراڵی کۆبوونەوە، بڕیاریشە سبەینێ شاندەکە لە کۆشکی سەرۆکایەتی کۆمار لەگەڵ ئەردۆغاندا کۆببنەوە.
حكومەتی عێراق و ئیدارەی خۆبەڕێوەبەری باكور و رۆژهەڵاتی سوریا رێككەوتنیان كردووە كە مانگانە دووجار خێزانە عێراقییەكان لە كەمپی هۆلەوە بگەڕێنرێنەوە بۆ عێراق، ئەمەش لەسەر خواستی خێزانەكان دەبێت.
سەرۆكی رێكخراوێكی تایبەت بە گەنجان لەدەڤەری راپەڕین دەڵێت، كۆچی گەنجان بەشێوەیەكی مەترسیدار دەستیپێكردووەتەوە و دەشڵێت، تەنها لەشەوێكدا زیاتر لە ٧٠ گەنج كۆچییان كردووە.
دوای بەرزبوونەوەی بەرچاوی دۆلار بەهۆی دەستپێکی شەڕەکانی ئیسرائیل و ئێرانەوە، ئەمڕۆ ١٠٠ دۆلار بەرامبەر بە ١٤١ هەزار دینار لە بازاڕەکانی هەرێمدا مامەڵەی پێوەکرا.
سەرۆکی فراکسیۆنی نەوەی نوێ لە خولی پێشووی پەرلەمانی کوردستان دەڵێت، حکومەتی ماوەبەسەرچوو بەرپرسیارە لە دابەشنەکردنی مووچە و پێویستە دابینی بکات و پێویستە لە رێگەی سۆمۆوە نەوت بفرۆشرێت نەک بە قاچاخ.